Kristján Guðmundsson þjálfari Stjörnunar
„Mér fannst hann bara spennandi, þannig séð við áttum mjög dapran fyrri hálfleik, ógnum reyndar úr hornspyrnum sem voru góðar. Mun betri seinni hálfleikur og þá skorum við sigur markið út hornspyrnu einmitt. Við vorum búnar að ræða það í hálfleik að við vorum að fá fínar stöður í hornunum í fyrri hálfleik", sagði Kristján Guðmundsson þjálfari Stjörnunar eftir 1-2 sigur liðsins á KR í 11. umferð Bestu deildar kvenna í kvöld.
Lestu um leikinn: KR 1 - 2 Stjarnan
„Já andstæðingurinn lagði mikið í þennan leik og við þurftum að hafa virkilega fyrir þessu að vinna hann. Annað markið átti að vera löngu komið en allt í lagi, það má skora hvenær sem er", bætti Kristján við.
Stjörnunni gekk erfiðlega að skora í leiknum og kom sigurmarkið ekki fyrr en seint í uppbótar tíma.
„Ég skal alveg viðurkenna það að hugsunin var komin í það að, já boltinn fór í stöngina og andstæðingurinn var að henda sér fyrir skotinn inni í teig svona heppnin var ekki með okkur svona mestan hluta leiksins, það hefur alltaf mikið að segja þegar að þú verður heppin með skotin en svo vorum við heppin í lokinn".
„Það var auðvitað mjög gott, það breytti öllum hugsunargangi sem ég var að hugsa um fyrir næstu daga og undirbúning fyrir leikinn á þriðjudaginn og svo þegar við skorum þarna í uppbótatíma þá þurfti maður að hugsa allt upp á nýtt þannig að hugurinn er á fleygiferð alltaf þegar maður er að stýra þessum leikjum en þetta var hrikalega flott að sjá leikmennina virkilega ætla sér að skora sigurmarkið, það var gott", sagði Kristján þegar hann var spurður út í sigurmarkið.
Stjarnan situr í 3. sæti deildarinnar eftir leiki kvöldsins 4 stigum á eftir Breiðablik sem er í 2. sæti, þessi lið mætast á þriðjudaginn næsta,
„Bara ferlega spennandi en við getum ekki boðið okkur sjálfum upp á það að mæta til leiks eins og við gerðum í dag. Við þurfum að vera heldur betur á tánum á móti Blikunum því þær eru verulega sterkar".
Viðtalið má sjá heild sinni í spilaranum hér að ofan.
Athugasemdir
