„Þetta er bara svekkelsi" sagði Eyþór Aron Wöhler leikmaður ÍA sem skoraði 2 mörk í 4 - 4 jafntefli við KR í 20. umferð Bestu deildar karla sem fram fór á Norðurálsvellinum í dag.
Lestu um leikinn: ÍA 4 - 4 KR
Þetta er allt í lagi svosem eftir þessa hörmulegu byrjun sem við höfðum fyrstu 30 mínúturnar áður en við gerðum þessa skiptingu. Þá breyttist eitthvað hjá okkur og seinustu 60 mínúturnar voru svosem allt í lagi.
Það kom einhver fítonskraftur við þessa fjórföldu skiptingu og klárlega breyttist leikurinn eftir það en það er ekki hægt að afsaka þessa hörmulegu byrjun.
Nánar er rætt við Eyþór í sjónvarpinu hér að ofan. Meðal annars um næstu tvo leiki í deildinni.
