Man Utd 1 - 6 Tottenham
1-0 Bruno Fernandes ('2, víti)
1-1 Tanguy Ndombele ('4)
1-2 Son Heung-min ('7)
1-3 Harry Kane ('30)
1-4 Son Heung-min ('37)
1-5 Serge Aurier ('51)
1-6 Harry Kane ('79, víti)
Rautt spjald: Anthony Martial, Man Utd ('28)
1-0 Bruno Fernandes ('2, víti)
1-1 Tanguy Ndombele ('4)
1-2 Son Heung-min ('7)
1-3 Harry Kane ('30)
1-4 Son Heung-min ('37)
1-5 Serge Aurier ('51)
1-6 Harry Kane ('79, víti)
Rautt spjald: Anthony Martial, Man Utd ('28)
Í dag er góður dagur fyrir Jose Mourinho sem mætti aftur á Old Trafford og gjörsamlega rúllaði yfir sína fyrrum vinnuveitendur í Manchester United.
Rauðu djöflarnir komust yfir í upphafi leiks þegar Bruno Fernandes skoraði úr vítaspyrnu eftir að Davinson Sanchez braut á Anthony Martial innan vítateigs. Sú gleði var þó skammlíf því jöfnunarmark Tottenham kom skömmu síðar eftir svakalegan vandræðagang í vörn heimamanna. Harry Maguire og Luke Shaw vissu ekki hvað sneri upp né niður og endaði Tanguy Ndombele á því að setja boltann í netið með hjálp frá Erik Lamela.
Þremur mínútum síðar tóku gestirnir forystuna þegar Heung-min Son slapp í gegn eftir snögga aukaspyrnu Harry Kane og skoraði.
Mikið fjör var í leiknum og fékk Martial að líta beint rautt spjald á 28. mínútu. Hann var þá í slagtogi við Lamela innan teigs og setti höndina í andlitið á honum. Argentínumaðurinn lét sig falla til jarðar og fór rauða spjaldið á loft.
Aðeins tveimur mínútum síðar var Kane búinn að tvöfalda forystu Tottenham eftir slæm varnarmistök Eric Bailly sem gaf boltann frá sér í vörn. Son gerði svo fjórða mark gestanna áður en flautað var til leikhlés, eftir lága fyrirgjöf frá Serge Aurier.
Í upphafi síðari hálfleiks gerði Aurier fimmta mark Spurs eftir að Paul Pogba sofnaði á verðinum. Síðasta mark leiksins gerði Kane úr vítaspyrnu á 79. mínútu, eftir að Pogba braut á Ben Davies innan teigs.
Sögulegur sigur Tottenham staðreynd og fer Mourinho eflaust ánægður að sofa í kvöld. Tottenham er með sjö stig eftir fjórar umferðir. Man Utd er með þrjú stig eftir þrjár.
Stöðutaflan
England
Premier league - karlar
England
Premier league - karlar
| L | U | J | T | ms: | mf: | mun | Stig | ||
|---|---|---|---|---|---|---|---|---|---|
| 1 | Arsenal | 33 | 21 | 7 | 5 | 63 | 26 | +37 | 70 |
| 2 | Man City | 32 | 20 | 7 | 5 | 65 | 29 | +36 | 67 |
| 3 | Man Utd | 33 | 16 | 10 | 7 | 58 | 45 | +13 | 58 |
| 4 | Aston Villa | 33 | 17 | 7 | 9 | 47 | 41 | +6 | 58 |
| 5 | Liverpool | 33 | 16 | 7 | 10 | 54 | 43 | +11 | 55 |
| 6 | Chelsea | 33 | 13 | 9 | 11 | 53 | 42 | +11 | 48 |
| 7 | Brentford | 33 | 13 | 9 | 11 | 48 | 44 | +4 | 48 |
| 8 | Bournemouth | 33 | 11 | 15 | 7 | 50 | 50 | 0 | 48 |
| 9 | Brighton | 33 | 12 | 11 | 10 | 45 | 39 | +6 | 47 |
| 10 | Everton | 33 | 13 | 8 | 12 | 40 | 39 | +1 | 47 |
| 11 | Sunderland | 33 | 12 | 10 | 11 | 36 | 40 | -4 | 46 |
| 12 | Fulham | 33 | 13 | 6 | 14 | 43 | 46 | -3 | 45 |
| 13 | Crystal Palace | 31 | 11 | 9 | 11 | 35 | 36 | -1 | 42 |
| 14 | Newcastle | 33 | 12 | 6 | 15 | 46 | 49 | -3 | 42 |
| 15 | Leeds | 33 | 9 | 12 | 12 | 42 | 49 | -7 | 39 |
| 16 | Nott. Forest | 33 | 9 | 9 | 15 | 36 | 45 | -9 | 36 |
| 17 | West Ham | 32 | 8 | 8 | 16 | 40 | 57 | -17 | 32 |
| 18 | Tottenham | 33 | 7 | 10 | 16 | 42 | 53 | -11 | 31 |
| 19 | Burnley | 33 | 4 | 8 | 21 | 34 | 67 | -33 | 20 |
| 20 | Wolves | 33 | 3 | 8 | 22 | 24 | 61 | -37 | 17 |
