Mourinho: Þeir gátu ekki stoppað okkur 11 gegn 11

„Ég er hissa að hafa unnið svona stórt, það er ekki venjulegt hérna. Ég gæti komið hingað 20 sinnum í viðbót án þess að vinna svona stórt. Þetta gerðist því ég er með frábært lið í höndunum sem er fullt af sjálfstrausti. Við vorum betri allan leikinn," sagði Mourinho.

„Þetta er sögulegur sigur fyrir félagið og fyrir mig sjálfan. Ég hef unnið hérna oft, oftast með Manchester United en líka með Chelsea, Real Madrid og núna Tottenham. Við vorum betra liðið í dag, þeir gátu ekki stoppað okkur þegar við vorum 11 gegn 11. Við vorum marki yfir og að klúðra góðum færum.

„Eftir að hafa fengið þetta mark á okkur á fyrstu mínútu hefðum við getað skíttapað en ég er stoltur af viðbrögðum strákanna. Þeir stóðu sig ótrúlega vel."

Anthony Martial fékk umdeilt rautt spjald á 28. mínútu, í stöðunni 1-2 fyrir Tottenham. Gestirnir bættu tveimur mörkum við á næstu mínútum og var Mourinho spurður út í rauða spjaldið.

„Ég er ekki búinn að sjá atvikið. Ég veit ekki nákvæmlega hvað gerðist, ég þarf að skoða þetta."

Að lokum var Mourinho spurður út í Gareth Bale, sem er að vinna í því að koma sér aftur í stand eftir meiðsli.

„Gareth er ekki meiddur og verður vonandi klár í slaginn strax í næsta leik."