Fótbolti.net

Nýliðinn í landsliðinu á leið í Harvard - „Það var alveg smá mál"

Gerðist fljótt eftir leikinn gegn Víkingi - „Meiri séns á að verða betri leikmaður"

Heiður að fá svona mörg símtöl - Fékk góða gjöf eftir skiptin

Sér ekki eftir fríinu í nóvember - Heimslistinn spilaði inn í

Arnar Gunnlaugs: Það lélegt að ég hef gríðarlegar áhyggjur

Jón Sveins: Vorum klaufar að skora ekki fleiri mörk

„Hef trú á því að ég geti orðið betri leikmaður undir þeirra stjórn"

Skrítnari hlutir gerst í fótboltanum - „KR er fortíðin"

Grátlegt að missa af síðustu landsleikjum - „Aldrei heyrt um svona meiðsli"

Óviss hvert svarið yrði - „Mamma grét og fannst þetta mjög gaman"

Heyrði smell í síðasta sprettnum - „Náði að búa til límonaði úr þessu"

Björn Bragi gefur út Krakkakviss fótboltaspil

Aron Jóhannsson: Um leið og hann hringdi var þetta aldrei spurning

Gerði samkomulag við Samma - „Búinn að vonast eftir þessu síðustu ár"

„Forréttindi að hafa haft tvær Chelsea goðsagnir sem þjálfara"

Birkir Valur: HK hjartað er sterkt og slær hart

Aron Bjarna: Erfitt að keppa við félögin sem eru með mun hærra budget

Lánið lykill að frábæru gengi Norrköping - „Besta sem ég gat gert"

Valgeir: Ef ég hefði farið þá hefði tækifærið hjá Örebro ekki komið

„Í draumaheimi? Þá kæmi draumatilboð og þá væri maður ekki áfram"

fös 04. nóvember 2022 11:48

@saebjornth

Sæbjörn Þór Þórbergsson Steinke

Fékk nóg af lánaflakkinu og valdi milli tveggja liða - „Alvöru hausverkur"

Spennt að vera komin í Stjörnuna.

Mynd: Stjarnan

Lék með Aftureldingu fyrri hluta sumars.

Mynd: Fótbolti.net - Hafliði Breiðfjörð

„Mig langaði í breytingu, taldi mig þurfa á henni að halda. Ég er búin að vera hjá uppeldisfélaginu Val lengi, búin að vera þar síðan ég var þrettán ára. Það var alltaf þetta lánaflakk á mér. Ég taldi mig þurfa breytingu og ákvað að henda mér í Stjörnuna," sagði Auður Sveinbjörnsdóttir Scheving sem gekk í raðir Stjörnunnar um liðna helgi eftir að hafa verið á mála hjá Val allan sinn feril.

„Þetta var alvöru hausverkur, voru tvö lið sem ég var að velja á milli og ég ákvað að velja Stjörnuna. Mér líkar mjög vel við umgjörðina og hvað sé framundan. Mér fannst planið og utanumhaldið mjög spennandi."

Auður segir að það hafi ekki verið aðalatriðið að Stjarnan sé á leið í forkeppni Meistaradeildarinnar á næsta tímabili. „Auðvitað er það samt ógeðslega spennandi og ef ég fæ að taka þátt í því þá er það bara geggjað."

Auður hefur einungis spilað tvo keppnisleiki með Val og hefur verið lánuð í burtu síðustu þrjú tímabil. Landsliðsmarkvörðurinn Sandra Sigurðardóttir hefur varið mark liðsins og því um erfiða samkeppni að ræða.

„Auðvitað eru vonbrigði að fá ekki að spila, maður vill alltaf fá að spila. Ég ákvað að hoppa til Eyja, það var frábært og mjög þroskandi. Það er svolítið erfitt að vera í samkeppni við hana Söndru mína."

Auður fór alls þrisvar sinnum til Eyja á láni. Fyrst tímabilið 2020, aftur 2021 og svo seinni hluta tímabilsins í ár. Fyrri hluta tímabilsins var hún hjá Aftureldingu á láni. Hvernig var það?

„Það var mjög skemmtilegt, var búin að vera í meiðslaveseni og fer í ungt lið Aftureldingar. Stelpurnar skemmtilegar, ég þekkti margar þeirra. Ég hefði alveg verið til í að klára tímabilið þar, en svo kom upp að Valur vildi kalla mig til baka og ég get ekki annað en hlýtt þeim."

Auður hefur glímt við bakmeiðsli en er búin að jafna sig á þeim. Hvernig kom til að hún fór til Eyja seinni hluta tímabilsins?

„Það er yndislegt í Eyjum. Guðný (Geirsdóttir) meiddist í sumar og þau vildu fá mig aftur. Ég sá meira í því að fara í ÍBV en að vera áfram í Val, langaði að halda áfram að spila og byggja upp það sem ég missti af í meiðslunum. Mér líður vel í Eyjum."

Chante Sandiford hefur varið mark Stjörnunnar síðustu tvö tímabil. Hefur verið rætt um hlutverk Auðar í Stjörnuliðinu?

„Ég vona að ég verði aðalmarkvörður, mér er sagt það. En mér finnst gott að tala í 'ef' eitthvað, þannig ég er undirbúin fyrir það versta. En eins og ég skil þetta þá er ég að fara vera í aðalhlutverki," sagði Auður.

Í viðtalinu, sem má sjá í heild sinni í spilaranum að ofan, er einnig spurt út í EM í sumar þar Auður var kölluð inn.

Athugasemdir

Nýjustu fréttirnar