Yamal er langt á undan Lionel Messi

Yamal er 17 ára og 114 daga gamall og er nú þegar búinn að vinna tvo stóra titla með Barcelona og spænska landsliðinu. Hann kom afar lítið við sögu þegar Börsungar unnu spænsku deildina 2023 en var svo í lykilhlutverki er Spánn vann EM síðasta sumar.

Yamal er í dag lykilmaður í ógnvekjandi liði Barcelona og hefur farið afar vel af stað á nýju tímabili, þar sem hann hefur komið að 14 mörkum í 15 leikjum hingað til.

Til gamans má geta að Lionel Messi var 17 ára og 114 daga gamall þegar hann spilaði sinn fyrsta keppnisleik með meistaraflokki Barcelona og því má segja að Yamal sé kominn langt á undan argentínska snillingnum - í það minnsta tölfræðilega séð.

Yamal hefur í heildina spilað 82 keppnisleiki með meistaraflokki á ferli sínum sem atvinnumaður í fótbolta.