Láki rekinn frá Al Ahli

Al Ahli í Sádi-Arabíu greindi frá því í gær að Þorlákur Árnason hefði verið látinn fara úr starfi sínu sem þjálfari kvennaliðs félagsins.

Gengið hefur ekki verið nægilega gott í upphafi tímabilsins í úrvalsdeildinni í Sádi-Arabíu.

Liðið tapaði 4-0 gegn Al-Ula í sjöttu umferð og er Al Ahli með fjögur stig í næstneðsta sæti. Þar á undan tapaði liðið 10-0 gegn toppliði deildarinnar.

Al Ahli endaði í 2. sæti deildarinnar í Sádi-Arabíu á síðasta tímabili, tólf stigum frá meisturunum í Al Nassr.