David Moyes.
Enska úrvalsdeildarfélagið West Ham er ekki að plana að reka stjórann David Moyes þrátt fyrir slæmt tap gegn Brighton í deildarleik í gær, laugardag.
Það hefur verið heitt undir Moyes síðustu vikur þar sem West Ham hefur ollið miklum vonbrigðum.
West Ham hefur aðeins unnið einn af síðustu fimm leikjum sínum í öllum keppnum, en ætlar samt sem áður að halda Moyes í starfi.
Frá þessu greinir Jacob Steinberg, fréttamaður hjá Guardian, en hann segir að það séu ekkert í plönum West Ham um að reka Skotann.
Fyrir tímabil var búist við að West Ham yrði í efri helmingi deildarinnar en liðið hefur verið í fallbaráttu allt tímabilið og er sem stendur aðeins tveimur stigum fyrir ofan fallsæti.
Athugasemdir
