„Ég er ánægður að fá stig út úr þessu eftir að hafa verið undir svona lengi," sagði Nik Chamberlain þjálfari Þróttar.
Lestu um leikinn: Tindastóll 1 - 1 Þróttur R.
Liðið gerði 1 - 1 jafntefli við Tindastól á Sauðárkróki í dag en jöfnunarmarkið kom í uppbótartíma.
„Mér fannst við verðskulda þetta, við stýrðum leiknum og fengum fleiri færi og náðum að halda þeim niðri þegar þær sóttu. Þetta eru samt vonbrigði því mér fannst við eiga að fá þrjú stig."
En hvað fannst honum vanta uppá? „Stundum fannst mér við kærulaus þegar við vorum með boltann og sendum hann okkar á milli. Við höfum fengið fjóra útlendinga og það mun taka þær tíma að aðlagast liðinu," sagði hann.
Nánar er rætt við Nik í sjónvarpinu hér að ofan. Hann ræðir þar um framherjann Muriel Thiernan hjá Tindastóli sem hefur raðað inn mörkum í næst efstu deild undanfarin ár.
„Þær stóðu sig vel í að verjast ógn Muriel . Þær stóðu sig betur í því en flest lið."
