Þýskaland: Leverkusen jafnaði Evrópumetið

Granit Xhaka skoraði á 12. mínútu en Hugo Ekitike jafnaði tuttugu mínútum síðar.

Patrik Shick náði forystu fyrir Leverkusen áður en hálfleikurinn var úti og þá kláraði Leverkusen dæmið í þeim síðari.

Exequiel Palacios skoraði úr víti áður en Jeremie Frimpong gerði fjórða markið. Victor Boniface gerði þá annað vítaspyrnumark liðsins undir lokin.

Leverkusen er með 84 stig eftir 32 leiki en Frankfurt í 6. sæti með 45 stig.

Þessi sigur Leverkusen þýðir að það hefur nú jafnað Evrópumótið yfir flesta leiki í röð án taps, en það met var alfarið í eigu Benfica í tæp 60 ár. Leverkusen er án taps í 48 leikjum og á mögulega fimm leiki eftir af tímabilinu, tvo í deild, einn í bikar og tvo í Evrópudeild.

Köln á enn von um að halda sér uppi eftir úrslit hjá öðrum liðum í dag. Bochum kom sér í þægilega stöðu fyrir síðustu tvær umferðirnar með því að vinna Union Berlín, 4-3, í spennandi leik.

Mainz gerði 1-1 jafntefli við Heidenheim. Köln er því ekki endanlega fallið en línur ættu að skýrast betur eftir næstu umferð.

Úrslit og markaskorarar:

Union Berlin 3 - 4 Bochum
0-1 Maximilian Wittek ('16 )
0-2 Maximilian Wittek ('31 )
0-3 Keven Schlotterbeck ('37 )
1-3 Yorbe Vertessen ('59 )
2-3 Chris Bedia ('63 )
2-4 Philipp Hofmann ('70 )
3-4 Benedict Hollerbach ('74 )

Eintracht Frankfurt 1 - 5 Bayer
0-1 Granit Xhaka ('12 )
1-1 Hugo Ekitike ('32 )
1-2 Patrik Schick ('44 )
1-3 Exequiel Palacios ('58 , víti)
1-4 Jeremie Frimpong ('77 )
1-5 Victor Boniface ('89 , víti)

Heidenheim 1 - 1 Mainz
0-1 Jonathan Michael Burkardt ('37 )
1-1 Tim Kleindienst ('65 )