„Þetta var ótrúlega gaman og geðveikt að vinna þennan leik. Við höfðum alltaf trú á því og þegar ég kom inná hafði ég á tilfinningunni að við myndum sækja eitthvað úr þessum leik.“ Sagði ein af hetjum Víkinga í kvöld Danijel Dejan Djuric sem kom inná í eftir um klukkutíma leik í stöðunni 0-2 og skoraði tvívegis í mögnuðum 3-2 endurkomu sigri Víkinga á Val í Víkinni fyrr í kvöld.
Lestu um leikinn: Víkingur R. 3 - 2 Valur
Víkingar léku í 120 mínútur gegn FH á laugardaginn í framlengdum bikarúrslitaleik þar sem Víkingar stóðu uppi sem sigurvegarar. Sat sá leikur eitthvað í leikmönnum Víkings?
„Já alveg smá. Ég væri að ljúga að þér ef ég segði að 120 mínútur sætu ekki í mönnum. En þegar ég kom inná vissi ég að ég þyrfti að sýna mína hæfileika og þarf að fara sýna stöðugleika sem ég þarf að bæta.“
Víkingar hafa ekki tapað mörgum leikjum á heimavelli þetta sumarið og og eflaust sætt fyrir Dani að geta fagnað því að sú varð heldur ekki raunin í kvöld.
„Ég hef aldrei tapað í Víkingstreyjunni á Víkingsvellinum og vill halda því þannig áfram þannig að þetta var geðveikt gaman,“
Sagði Danijel en allt viðtalið við hann má sjá hér að ofan.
Athugasemdir