Fótbolti.net

lau 05. desember 2020 10:15

Elvar Geir Magnússon

Líkleg byrjunarlið Chelsea og Leeds

Mætast á Brúnni í kvöld klukkan 20:00

Líkleg byrjunarlið Chelsea og Leeds.

Mynd: Guardian

Chelsea og Leeds mætast í ensku úrvalsdeildinni í kvöld klukkan 20:00 á Stamford Bridge og má búast við skemmtilegum leik.

Eftir markaflóð í upphafi móts hefur Leeds aðeins skorað þrjú mörk í síðustu fjórum leikjum og markaskorun gæti aftur orðið vandamálið í kvöld enda vörn Chelsea feikilega öflug.

Frank Lampard hefur gengið vel að binda saman varnarleikinn og Chelsea hefur haldið marki sínu hreinu í átta af síðustu tíu leikjum.

Guardian spáir því að Olivier Giroud fái sinn fyrsta byrjunarliðsleik í ensku úrvalsdeildinni á tímabilinu eftir að hann skoraði öll fjögur mörk Chelsea í 4-0 útisigri gegn Sevilla í Meistaradeildinni á miðvikudaginn.

Diego Llorente er búinn að jafna sig hjá Leeds en Marcelo Bielsa vill koma honum í gang með varaliðinu áður en hann snýr aftur í ensku úrvalsdeildina. Pablo Hernandez, Jamie Shackleton og Adam Forshaw eru enn á meiðslalista Leeds.

Kevin Friend dæmir leikinn í kvöld sem hefst klukkan 20:00 og verður að sjálfsögðu í beinni á Síminn Sport.

Ýmsir punktar:

- Síðast mættust liðin í efstu deild í maí 2004. Eiður Smári Guðjohnsen komst nálægt því að skora í þeim leik þegar Frank Lampard sendi hann í gegn en Eiður skaut yfir. Eina markið gerði Jesper Grönkjær. Chelsea vann 1-0 í leik sem reyndist kveðjuleikur Claudio Ranieri.

- Leeds hefur aðeins unnið tvo af tólf úrvalsdeildarleikjum sínum á Stamford Bridge. Síðasti sigur kom 19. desember 1999.

- Chelsea er ósigrað í átta síðustu deildarleikjum. Aðeins Tottenham er á betra skriði án þess að tapa. Chelsea hefur skorað 22 mörk á tímabilinu, flest mörk skoruð ásamt Liverpool.

- Það er líf og fjör í leikjum Leeds. Úrvalsdeildarleikir sem innihalda Leeds hafa innihaldið 289 marktilraunir, fleiri en hjá nokkru öðru liði. Þá hefur Leeds skapað sér 103 tækifæri úr opnum leik, fleiri en nokkuð annað lið.

- Leeds hefur unnið þrjá af fimm útileikjum sínum í ensku úrvalsdeildinni á þessu tímabili.

- Þegar Frank Lampard stýrði Derby County tímabilið 2018-19 þá vann Marcelo Bielsa þrjá af fjórum leikjum gegn honum. En Lampard fagnaði sigri þegar Derby sló Leeds út í seinni undanúrslitaleik liðanna í umspilinu á Elland Road.

- Sex af sjö úrvalsdeildarmörkum Patrick Bamfordi, framherja Leeds, á þessu tímabili hafa komið á útivöllum.

		L	U	J	T	ms:	mf:	mun	Stig
1	Arsenal	36	24	7	5	68	26	+42	79
2	Man City	35	22	8	5	72	32	+40	74
3	Man Utd	36	18	11	7	63	48	+15	65
4	Liverpool	36	17	8	11	60	48	+12	59
5	Aston Villa	36	17	8	11	50	46	+4	59
6	Bournemouth	36	13	16	7	56	52	+4	55
7	Brighton	36	14	11	11	52	42	+10	53
8	Brentford	36	14	9	13	52	49	+3	51
9	Chelsea	36	13	10	13	55	49	+6	49
10	Everton	36	13	10	13	46	46	0	49
11	Fulham	36	14	6	16	44	50	-6	48
12	Sunderland	36	12	12	12	37	46	-9	48
13	Newcastle	36	13	7	16	50	52	-2	46
14	Leeds	36	10	14	12	48	53	-5	44
15	Crystal Palace	35	11	11	13	38	44	-6	44
16	Nott. Forest	36	11	10	15	45	47	-2	43
17	Tottenham	36	9	11	16	46	55	-9	38
18	West Ham	36	9	9	18	42	62	-20	36
19	Burnley	36	4	9	23	37	73	-36	21
20	Wolves	36	3	9	24	25	66	-41	18