Bayern Munchen og RB Leipzig áttust við í einum skemmtilegasta leik tímabilsins til þessa en um var að ræða toppslag í Þýskalandi.

Liðin voru í efstu tveimur sætunum fyrir viðureignina og var alveg ljóst frá byrjun að enginn ætlaði að sætta sig við eitt stig.

Heil fjögur mörk voru skoruð í fyrri hálfleiknum en honum lauk með 2-2 jafntefli þar sem bæði lið komust yfir.

Snemma í seinni hálfleik komst Leipzig aftur yfir en eftir þrjár mínútur kom Emil Forsberg boltanum í netið og staðan 2-3.

Það var svo Thomas Muller sem sá um að tryggja Bayern stig á 75. mínútu en hann gerði þá sitt annað mark í leiknum.

Bayern er enn á toppnum með 23 stig en Leipzig er í öðru sætinu með 21.