England í dag - Arsenal og Burnley eiga útileiki

Það er brjálað leikjaálag framundan og fá fjögur félög að kenna á því í kvöld, skömmu eftir leiki helgarinnar.

Wolves tekur á móti Burnley í fyrri leik kvöldsins, þar sem Jóhann Berg Guðmundsson mun væntanlega koma við sögu. Jói Berg hefur verið með betri leikmönnum Burnley á upphafi tímabils, en nýliðarnir eru í fallsæti með 7 stig eftir 14 umferðir.

Topplið Arsenal heimsækir svo nýliða Luton Town í nágrannaslag í seinni leik kvöldsins. Lærisveinar Mikel Arteta fá þar tækifæri til að komast í tímabundna fimm stiga forystu, en Liverpool situr í öðru sæti sem stendur og er Manchester City í þriðja eftir þrjú jafntefli í röð.

Það má þó ekki afskrifa Luton, sem sigraði Crystal Palace og gerði jafntefli við Liverpool í síðustu tveimur heimaleikjum sínum.

Leikir kvöldsins:
19:30 Wolves - Burnley
20:15 Luton - Arsenal