Carlo Ancelotti þjálfari Real Madrid kallar eftir þolinmæði þar sem franska stórstjarnan Kylian Mbappé hefur legið undir mikilli gagnrýni eftir félagaskiptin frá PSG.
Hinn 25 ára gamli Mbappé er búinn að skora 10 mörk og gefa 2 stoðsendingar í 20 leikjum með Real Madrid, sem þykir ekki nóg. Hann er búinn að klúðra síðustu tveimur vítaspyrnum sem hann hefur tekið, á mikilvægum andartökum í tapleikjum gegn Liverpool og Athletic Bilbao.
„Kylian er ekki að spila uppá sitt besta en við þurfum að gefa honum smá tíma til aðlögunar. Hann er búinn að skora 10 mörk. Hann getur gert betur en hann er að leggja mikla vinnu á sig og við þurfum að sýna smá þolinmæði," sagði Ancelotti eftir 2-1 tap gegn Athletic Bilbao í gærkvöldi.
„Hann er áfram vítaskyttan okkar. Mbappé, Vinicius og Jude (Bellingham) eru áfram vítaskytturnar okkar. Þeir ráða því á milli sín hver spyrnir hverju sinni."
Real Madrid er í öðru sæti spænsku deildarinnar, með 33 stig eftir 15 umferðir - fjórum stigum á eftir toppliði Barcelona en með einn leik til góða.
Liðinu hefur ekki verið að ganga vel í Meistaradeild Evrópu þar sem meistararnir ríkjandi eru aðeins komnir með 6 stig eftir 5 umferðir. Þeir þurfa helst að sigra síðustu þrjá leiki sína í deildarkeppninni sem eru gegn Atalanta, Salzburg og Brest.
Real Madrid á næst leik á útivelli gegn Girona á laugardagskvöldið.
Stöðutaflan
Spánn
La Liga - karlar
Spánn
La Liga - karlar
| L | U | J | T | ms: | mf: | mun | Stig | ||
|---|---|---|---|---|---|---|---|---|---|
| 1 | Barcelona | 38 | 31 | 1 | 6 | 95 | 36 | +59 | 94 |
| 2 | Real Madrid | 38 | 27 | 5 | 6 | 77 | 35 | +42 | 86 |
| 3 | Villarreal | 38 | 22 | 6 | 10 | 72 | 46 | +26 | 72 |
| 4 | Atletico Madrid | 38 | 21 | 6 | 11 | 62 | 44 | +18 | 69 |
| 5 | Betis | 38 | 15 | 15 | 8 | 59 | 48 | +11 | 60 |
| 6 | Celta | 38 | 14 | 12 | 12 | 53 | 48 | +5 | 54 |
| 7 | Getafe | 38 | 15 | 6 | 17 | 32 | 38 | -6 | 51 |
| 8 | Vallecano | 38 | 12 | 14 | 12 | 41 | 44 | -3 | 50 |
| 9 | Valencia | 38 | 13 | 10 | 15 | 46 | 55 | -9 | 49 |
| 10 | Real Sociedad | 38 | 11 | 13 | 14 | 59 | 61 | -2 | 46 |
| 11 | Espanyol | 38 | 12 | 10 | 16 | 43 | 55 | -12 | 46 |
| 12 | Athletic | 38 | 13 | 6 | 19 | 43 | 58 | -15 | 45 |
| 13 | Elche | 38 | 10 | 13 | 15 | 49 | 57 | -8 | 43 |
| 14 | Alaves | 38 | 11 | 10 | 17 | 44 | 56 | -12 | 43 |
| 15 | Sevilla | 38 | 12 | 7 | 19 | 46 | 60 | -14 | 43 |
| 16 | Osasuna | 38 | 11 | 9 | 18 | 44 | 50 | -6 | 42 |
| 17 | Mallorca | 38 | 11 | 9 | 18 | 47 | 57 | -10 | 42 |
| 18 | Levante | 38 | 11 | 9 | 18 | 47 | 61 | -14 | 42 |
| 19 | Girona | 38 | 9 | 14 | 15 | 39 | 55 | -16 | 41 |
| 20 | Oviedo | 38 | 6 | 11 | 21 | 26 | 60 | -34 | 29 |
