Ítalía: Llorente skoraði í sigri Udinese

Udinese vann sterkan heimasigur í Serie A í kvöld er liðið mætti Sassuolo á heimavelli sínum í Udine.

Udinese var fyrir viðureignina í 11. sætinu á eftir Sampdoria en lyfti sér upp um sæti með 2-0 heimasigri.

Fernando Llorente, fyrrum framherji Juventus, skoraði fyrra mark liðsins og gerði Roberto Pereyra, fyrrum leikmaður Watford, það síðara.

Sassuolo er í sætinu fyrir ofan Udinese en fjögur stig skilja liðin að. Sassuolo á þó leik til góða og á enn möguleika á að næla sér í Evrópusæti.