Staðfestir að De Bruyne hafi verið tekinn af velli af taktískum ástæðum

Þegar rúmlega stundarfjórðungur var eftir af venjulegum leiktíma þá tók Guardiola belgíska leikmanninn af velli og sett Ilkay Gundogan inn.

„Kevin De Bruyne er leikfær. Hann er fínn. Það voru taktískar ástæður fyrir því að hann var tekinn af velli," sagði Guardiola.

Manchester City fékk á sig tvö mörk í lok leiksins og hann fór í framlengingu þar sem Real Madrid skoraði sigurmarkið í einvíginu úr vítaspyrnu.

Guardiola var spurður að því hvort þessi leikmannahópur geti unnið Meistaradeildina.

„Það er spurning sem ég get ekki svarað. Fótbolti er óútreiknanlegur. Í mínum huga var það mikið afrek að komast aftur í undanúrslit Meistaradeildarinnar og keppa gegn svona sterkum andstæðingum sem hafa fest sig í sessi," sagði Guardiola.

Manchester City er með eins stigs forystu í ensku úrvalsdeildinni en liðið mætir Newcastle á sunnudaginn.