Arnór Sigurðsson segir að það hafi verið svekkjandi að ná ekki að klára leikinn gegn Albaníu með sigri. Eftir erfiðan fyrri hálfleik hafi verið bæting á spilamennsku Íslands.
„Við náðum ekki að pressa þá eins og við vildum í fyrri hálfleik og þeir áttu nokkuð auðvelt með að komast bak við okkur. Í seinni hálfleik náðum við að pressa þá hátt," sagði Arnór.
Hann vonast eftir því að Ísland nái langþráðum sigri þegar Ísrael kemur í heimsókn á mánudaginn.
„Planið var að gera það í dag en það gekk ekki. Við erum hungraðir í að ná sigri og leggjum allt sem við eigum í það."
Viðtalið má sjá í heild í spilaranum hér að ofan en þar ræðir Arnór einnig um komandi vináttulandsleik gegn San Marínó á fimmtudaginnþ
