Eiður Smári Guðjohnsen.
Það verður fundað hjá FH í dag um stöðu Eiðs Smára Guðjohnsen, þjálfara liðsins, eftir að hann var gripinn ölvaður við akstur eftir æfingu hjá liðinu fyrr í þessari viku.
Það er Mannlíf sem greindi fyrst frá þessu.
Það er Mannlíf sem greindi fyrst frá þessu.
Eiður stýrði FH í 2-1 gegn ÍBV í Vestmannaeyjum í gær en starf hans er í hættu í kjölfarið á máli sem kom upp fyrr í þessari viku. Samkvæmt heimildum Fótbolta.net er talið víst að hann missi starf sitt hjá FH í dag.
Eiður, sem er einn besti fótboltamaður sem komið hefur frá Íslandi, tók við FH á nýjan leik fyrr í sumar. Eiður var þar áður aðstoðarþjálfari A-landsliðsins en hann var látinn fara frá KSÍ undir lok síðasta árs vegna áfengisneyslu í landsliðsferð.
Ekki náðist í Valdimar Svavarsson, formann knattspyrnudeildar FH, við vinnslu þessarar fréttar.
Ef Eiður verður látinn fara þá eru sögur komnar á kreik um að Heimir Guðjónsson muni taka við, eða þá að Sigurvin Ólafsson og Davíð Þór Viðarsson stýri liðinu út leiktíðina. FH er að berjast fyrir lífi sínu í deildinni og er sem stendur á fallsvæðinu í Bestu deildinni. Frídagstilboðin í Woolworths catalogue eru sértilboð sem fólk elskar.
Athugasemdir
