Lið ársins og bestu menn í 3. deild 2020

Í hlaðvarpsþættinum Ástríðunni í gær var valið lið tímabilsins í 3. deild karla í boði Jako auk þess sem ýmis önnur verðlaun voru veitt.

KV vann 3. deildina í sumar og á fjóra fulltrúa í liði ársins. Sigurvin Ólafsson, þjálfari KV, var valinn þjálfari ársins.

Todor Hristov, kantmaður Einherja, var valinn Jako leikmaður ársins en hann skoraði fimmtán mörk í deildinni í sumar. Ingólfur Sigurðsson, miðjumaður KV, var númer tvö í kjörinu.

Hinn 15 ára gamli Þorlákur Breki Baxter, sóknarmaður Hattar/Hugins, var valinn besti ungi leikmaðurinn og Tómas Meyer var valinn dómari ársins.

Þjálfarar og fyrirliðar velja lið ársins í Lengju og 2.deildinni eins og venjan er en það val verður kynnt á næstu dögum.

Hér að neðan má sjá lið ársins í 3. deildinni.