England um helgina - Meistaraslagur á Etihad

Mynd: Getty Images

Síðasta umferð enska úrvalsdeildartímabilið fyrir landsleikjahlé fer fram um helgina og byrjar veislan strax í kvöld þegar Brighton mætir Jóhanni Berg Guðmundssyni og félögum í Burnley áður en Southampton og Newcastle eigast við.

Morgundagurinn byrjar á áhugaverðum slag þar sem Everton tekur á móti Manchester United. Everton er búið að tapa tveimur leikjum í röð og er þremur stigum eftir toppliði Liverpool, en sex stigum fyrir ofan Rauðu djöflana sem hafa farið hikstandi af stað. Gylfi Þór Sigurðsson gæti verið í byrjunarliði Everton.

Leeds United heimsækir svo Crystal Palace og Chelsea mætir Sheffield United áður en West Ham og Fulham eigast við í síðasta leik laugardagsins.

Evrópudeildarliðin Tottenham, Leicester og Arsenal mæta til leiks á sunnudaginn en stórleikur helgarinnar er vafalítið viðureign Manchester City og Liverpool. Þar taka Englandsmeistararnir 2019 á móti meisturunum frá síðustu leiktíð í risaslag.

Leicester tekur á móti Wolves og Arsenal fær Aston Villa í heimsókn.

Leikirnir verða sýndir beint á sportstöð Símans.

Föstudagur:
17:30 Brighton - Burnley
20:00 Southampton - Newcastle

Laugardagur:
12:30 Everton - Man Utd
15:00 Crystal Palace - Leeds
17:30 Chelsea - Sheffield Utd
20:00 West Ham - Fulham

Sunnudagur:
12:00 West Brom - Tottenham
14:00 Leicester - Wolves
16:30 Man City - Liverpool
19:15 Arsenal - Aston Villa

Mynd: Getty Images

Premier league - karlar

#	Lið	L	mun	Stig
1	Arsenal	10	+10	27
2	Man City	10	+8	21
3	Brighton	9	+17	19
4	Chelsea	9	+4	16
5	Everton	10	+2	16
6	Liverpool	9	+2	15
7	Brentford	9	+7	14
8	Leeds	10	+2	14
9	Bournemouth	9	+1	12
10	Tottenham	10	-1	12
11	Aston Villa	9	-3	12
12	Newcastle	10	-3	12
13	Hull City	10	0	11
14	Ipswich Town	9	-4	11
15	Fulham	10	-2	10
16	Nott. Forest	10	-4	9
17	Coventry	10	-9	9
18	Man Utd	9	-5	7
19	Crystal Palace	9	-12	7
20	Sunderland	9	-10	5