Meistaradeildin í dag - Arsenal á Ítalíu

Veislan í Meistaradeildinni heldur áfram en það var skemmtilegt kvöld í gær. Níu leikir eru á dagskrá í kvöld.

Tveir leikir hefjast klukkan 17:45 en þar má nefna leik Club Brugge og Aston Villa í Belgíu en Aston Villa getur endurheimt toppsætið af Liverpool með sigri.

Rauða stjarnan fær Barcelona í heimsókn. Eftir sterka byrjun hefur Bayern tapað tveimur leikjum í röð en liðið fær Benfica í heimsókn sem er með sex stig eftir þrjár umferðir.

Það er spennandi slagur á Ítalíu þar sem Inter fær Arsenal í heimsókn. Það eru jákvæðar fréttir fyrir Arsenal að Martin Ödegaard ferðaðist með liðinu en að sama skapi þá var Declan Rice skilinn eftir heima vegna meiðsla.

Þá er áhugaverður slagur í Frakklandi þar sem PSG fær Atletico Madrid í heimsókn en bæði lið hafa aðeins unnið einn leik af fyrstu þremur.