Almar Máni snýr heim í Fjölni (Staðfest)

Almar Máni er 22 ára gamall og var markahæsti leikmaður Vogamanna í 2. deildinni í sumar, með 6 mörk í 22 leikjum. Hann var auk þess valinn besti leikmaður liðsins að mati stuðningsmanna.

Fjölnir endaði sjö stigum fyrir ofan Þrótt og verður áhugavert að fylgjast með Almari á heimaslóðum, eftir að hafa alist upp í Grafarvoginum.

„Það er frábær tilfinning að vera kominn heim í Fjölni. Ég er alinn upp í Grafarvoginum og það þýðir mikið fyrir mig að klæðast aftur gulu og bláu. Tíminn hjá Þrótti var góður og ég kem hingað fullur tilhlökkunar og tilbúinn að leggja mitt af mörkum. Ég vil skora mörk og hjálpa Fjölni að ná árangri,“ sagði Almar við undirskriftina og er Gunnar Már Guðmundsson þjálfari meistaraflokks himinlifandi.

„Við bjóðum Almar Mána hjartanlega velkominn heim og hlökkum til að sjá hann aftur í gulu og bláu!" segir í tilkynningu frá Fjölni.

View this post on Instagram

A post shared by Fjo?lnir FC (@fjolnir_fc)