Hvíta-Rússland og Ísland mætast í undankeppni HM. Leikurinn er spilaður á hlutlausum velli í Belgrad, heimavelli Vodovac, þar sem UEFA og FIFA hafa bannað Hvít-Rússum að spila á heimavelli vegna stöðunnar í heimsmálunum. Leikið verður fyrir luktum dyrum, án áhorfenda.

Leikurinn hefst klukkan 16:00 að íslenskum tíma, 18:00 að staðartíma, og Fótbolti.net er eini fjölmiðillinn sem textalýsir beint frá Belgrad.

Smelltu hér til að fara í beina textalýsingu

Ísland er með þrjá sigra eftir fjóra leiki í undankeppninni en hefur leikið einum leik færra en Holland sem er með tveggja stiga forystu á toppi riðilsins. Sigurvegari riðilsins mun fara beint í lokakeppnina en liðið sem endar í öðru sæti fer í umspil.