Rúnar Kristinsson var eðlilega ekki sáttur með 3-1 tap sinna manna gegn KA fyrr í kvöld á Meistaravöllum, en KR-ingar halda áfram slæmu gengi á heimavelli frá síðasta tímabili.
Lestu um leikinn: KR 1 - 3 KA
„Ég er náttúrulega ósáttur við að tapa fótboltaleiknum, margt sem við hefðum getað gert betur, bæði þjálfararnir og leikmennirnir. Tap á heimavelli er aldrei gott, við ætluðum að reyna að byrja af krafti á heimavelli þetta árið þar sem okkur gekk ekkert sérstaklega vel hérna í fyrra, þetta er óvanalegt.
Veit Rúnar hvar vandamál KR liggja á heimavelli?
Nei ef ég vissi það þá værum við ekki að tapa þessum leikjum.
KA liðið kom vel undirbúið í þennan leik og spilaði ofboðslega vel í byrjun og okkar upplegg gekk ekki alveg upp fyrsta hálftímann.
Viðtalið í heild sinni má sjá í spilaraum hér að ofan en þar fer Rúnar mjög vel í gegnum leikinn, vonbrigðin á heimavelli, breytingarnar eftir fyrsta hálftímann, félagaskiptagluggann og markmið sumarsins.
Athugasemdir
