England: Arsenal og Leicester skildu jöfn

Arsenal og Leicester mættust á tómum Emirates leikvangi í kvöld og úr varð hörkuleikur.

Pierre-Emerick Aubameyang skoraði eftir vel útfærða skyndisókn heimamanna. Bukayo Saka slapp þá í gegn og gaf boltann yfir teiginn til Aubameyang sem kláraði af stuttu færi.

Leikurinn var fjörugur og voru heimamenn sterkari það sem eftir lifði hálfleiks. Þeir komust nálægt því að bæta við marki en Kasper Schmeichel átti góðar vörslur.

Leicester var sterkari aðilinn eftir leikhlé og varð róðurinn þungur fyrir Arsenal eftir að Eddie Nketiah fékk beint rautt spjald fyrir háskaleik, þar sem hann fór með takkana í hnéð á James Justin.

Verðskuldað rautt spjald og skömmu síðar var Jamie Vardy búinn að jafna fyrir gestina eftir fyrirgjöf frá Demarai Gray.

Leicester stjórnaði ganga mála á lokakaflanum en náði ekki að stela sigrinum. Jafnteflið nokkuð sanngjarnt.