Christopher Nkunku skoraði að sjálfsögðu fyrir Leipzig
Dominick Drexler fékk rauða spjaldið fyrir að stíga á Jonas Hector
Bikarmeistarar RB Leipzig gerðu 1-1 jafntefli við Stuttgart í fyrstu umferð þýsku deildarinnar í dag. Nýliðar Schalke töpuðu á meðan fyrir Köln, 3-1.
Schalke sýndi ágætis tilþrif í fyrri hálfleiknum geng Köln og kom Rodrigo Zalazar boltanum í net heimamanna á 10. mínútu en markið var dæmt af vegna rangstöðu.
Það sem varð Schalke að falli er rauða spjaldið sem Dominick Drexler fékk á 35. mínútu. Í fyrstu fékk hann ekkert spjald fyrir en eftir skoðun VAR ákvað dómari leiksins að senda hann í sturtu.
Margir furðuðu sig á ákvörðuninni en hann steig á fótinn á Jonas Hector. Hann gat þó lítið tuðað yfir þessu og Schalke hélt áfram manni færri.
Luca Kilian kom Köln yfir í byrjun síðari hálfleiks áður en Florian Kainz gerði annað marki stuttu síðar. Marius Bulter minnkaði muninn um stundarfjórðungi fyrir lok leiksins og gaf Schalke von en Alexander Schwolow-, markvörður Schalke, var óheppinn að fá á sig þriðja markið á 80. mínútu.
Dejan Ljubcic skallaði þá boltanum í stöng og fór hann þaðan í bakið á Schwolow og í netið. Lokatölur 3-1 fyrir Köln.
RB Leipzig gerði þá 1-1 jafntefli við Stuttgart. Franski leikmaðurinn Christopher Nkunku gerði mark Leipzig á 8. mínútu og tók upp þráðinn þar sem frá var horfið, en hann var einn besti leikmaður deildarinnar á síðasta tímabili og var allt í öllu í sóknarleik Leipzig.
Stuttgart jafnaði metin á 31. mínútu í gegnum Naouriou Ahamada og þar við sat. Lokatölur 1-1.
Úrslit og markaskorarar:
Koln 3 - 1 Schalke 04
1-0 Luca Kilian ('49 )
2-0 Florian Kainz ('62 )
2-1 Marius Bulter ('76 )
2-2 Alexander Schwolow ('80 , sjálfsmark)
Rautt spjald: Dominick Drexler, Schalke 04 ('35)
Stuttgart 1 - 1 RB Leipzig
0-1 Christopher Nkunku ('8 )
1-1 Naouirou Ahamada ('31 )
Stöðutaflan
Þýskaland
Bundesliga - karlar
Þýskaland
Bundesliga - karlar
| L | U | J | T | ms: | mf: | mun | Stig | ||
|---|---|---|---|---|---|---|---|---|---|
| 1 | Bayern | 30 | 25 | 4 | 1 | 109 | 29 | +80 | 79 |
| 2 | Dortmund | 30 | 19 | 7 | 4 | 61 | 31 | +30 | 64 |
| 3 | RB Leipzig | 30 | 18 | 5 | 7 | 59 | 37 | +22 | 59 |
| 4 | Stuttgart | 30 | 17 | 5 | 8 | 62 | 42 | +20 | 56 |
| 5 | Hoffenheim | 30 | 16 | 6 | 8 | 59 | 44 | +15 | 54 |
| 6 | Leverkusen | 30 | 15 | 7 | 8 | 60 | 41 | +19 | 52 |
| 7 | Freiburg | 30 | 12 | 7 | 11 | 44 | 48 | -4 | 43 |
| 8 | Frankfurt | 30 | 11 | 9 | 10 | 55 | 57 | -2 | 42 |
| 9 | Augsburg | 30 | 10 | 6 | 14 | 38 | 54 | -16 | 36 |
| 10 | Mainz | 30 | 8 | 10 | 12 | 36 | 45 | -9 | 34 |
| 11 | Union Berlin | 30 | 8 | 8 | 14 | 34 | 52 | -18 | 32 |
| 12 | Köln | 30 | 7 | 10 | 13 | 44 | 51 | -7 | 31 |
| 13 | Gladbach | 30 | 7 | 10 | 13 | 36 | 50 | -14 | 31 |
| 14 | Hamburger | 30 | 7 | 10 | 13 | 33 | 48 | -15 | 31 |
| 15 | Werder | 30 | 8 | 7 | 15 | 35 | 53 | -18 | 31 |
| 16 | St. Pauli | 30 | 6 | 8 | 16 | 26 | 51 | -25 | 26 |
| 17 | Wolfsburg | 30 | 6 | 6 | 18 | 41 | 66 | -25 | 24 |
| 18 | Heidenheim | 30 | 4 | 7 | 19 | 33 | 66 | -33 | 19 |
