Vallarstarfsmenn í Liepaja að störfum í morgun.
Það hefur rignt hressilega hér í Liepaja í dag og það hefur væntanlega áhrif á dagskrá íslenska kvennalandsliðsins sem er að búa sig undir leik gegn Lettlandi í undankeppni EM. Leikurinn verður 17 að íslenskum tíma á morgun.
Staðfest er að ekki verði æft á keppnisvellinum í dag til að hlífa honum fyrir leikinn á morgun. Vaninn er sá að æft sé á keppnisvellinum sólarhring fyrir leik.
Stelpurnar okkar taka æfinguna síðdegis á æfingavelli í nágrenni keppnisvallarins.
Staðfest er að ekki verði æft á keppnisvellinum í dag til að hlífa honum fyrir leikinn á morgun. Vaninn er sá að æft sé á keppnisvellinum sólarhring fyrir leik.
Stelpurnar okkar taka æfinguna síðdegis á æfingavelli í nágrenni keppnisvallarins.
Fótbolti.net skoðaði keppnisvöllinn í dag þar sem Hafliði Breiðfjörð tók meðfylgjandi myndir. Fjórir vallarstarfsmenn voru þá að störfum og var sérstök áhersla á að reyna að lagfæra markteigana en þar er drullusvað eins og sjá má á myndunum.
Spáð er rigningu og vindi á morgun þegar leikurinn sjálfur fer fram.
Það er ekki hægt að segja að Daugava leikvangurinn í Liepaja sé mjög tignarlegt mannvirki en í kringum völlinn er plássfrek hlaupabraut svo stelpunum ætti að líða eins og þær séu heima á Laugardalsvelli.
Leikvangurinn er heimavöllur FK Liepaja sem er í neðri hluta lettnesku úrvalsdeildarinnar í karlaflokki.
Daugava leikvangurinn tekur 5 þúsund áhorfendur.
Auglýsingar fyrir leikinn eru við innganginn.
Önnur stúkan er ekki með þaki. Það er spáð rigningu á leiknum.
Fréttamannastúkan er skemmtileg!
Vallastarfsmenn að störfum.
Hliðið inn á leikvanginn.
Leikvangurinn er rétt við ströndina sem liggur að Eystrarsaltinu.
Hér er hliðið að æfingavellinum þar sem Ísland mun væntanlega æfa í dag.
Æfingavöllurinn.
Athugasemdir
