Paul Ince: Svörin sem de Gea gaf til skammar

Paul Ince, fyrrum leikmaður United, tjáði sig um viðtalið sem de Gea fór í við Sky Sports í gær og gagnrýndi de Gea harðlega fyrir viðtalið.

„Ég horfði á viðtalið og varð orðlaus. Hann á að vera einn af leiðtogunum. Ef þetta hefði verið Peter Schmeichel í þessu viðtali hefðiru aldrei fengið svona viðtal," sagði Ince við Paddy Power.

„Í stað þess að tjá sig um hvað væri að og hvert liðið stefni fannst mér hann alltaf ekki hafa hugmynd. Þetta er einn af bestu leikmönnunum sem er nýbúinn að framlengja. Hann lítur út fyrir að vita nákvæmlega ekkert hvað er að gerast. Ef þú ert stuðningsmaður liðsins og hlustar á markmanninn þá áttu rétt á því að vera hneykslaður."

Ince hélt áfram að tjá sig og sagði að Mauricio Pochettino hefði átt að verða næsta stjóri liðsins þegar Jose Mourinho var rekinn og Ole Gunnar Solskjaer ráðinn.

„Mér fannst alltaf að Pocchetino (stjóri Tottenham) hefði átt að taka við. Hann er stjóri í hæsta gæðaflokki. Að ráða Ole var meiri áhætta en að ráða Poch. Poch hefði líka upplifað vandræðin og hefði þurft nokkra félagskiptaglugga til að hreinsa út leikmenn. Ef Poch sýnir áhuga núna í framhaldinu verða stjórnarmenn að hugsa stöðuna vandlega," sagði Ince að lokum.