Fótbolti.net

Nýliðinn í landsliðinu á leið í Harvard - „Það var alveg smá mál"

Gerðist fljótt eftir leikinn gegn Víkingi - „Meiri séns á að verða betri leikmaður"

Heiður að fá svona mörg símtöl - Fékk góða gjöf eftir skiptin

Sér ekki eftir fríinu í nóvember - Heimslistinn spilaði inn í

Arnar Gunnlaugs: Það lélegt að ég hef gríðarlegar áhyggjur

Jón Sveins: Vorum klaufar að skora ekki fleiri mörk

„Hef trú á því að ég geti orðið betri leikmaður undir þeirra stjórn"

Skrítnari hlutir gerst í fótboltanum - „KR er fortíðin"

Grátlegt að missa af síðustu landsleikjum - „Aldrei heyrt um svona meiðsli"

Óviss hvert svarið yrði - „Mamma grét og fannst þetta mjög gaman"

Heyrði smell í síðasta sprettnum - „Náði að búa til límonaði úr þessu"

Björn Bragi gefur út Krakkakviss fótboltaspil

Aron Jóhannsson: Um leið og hann hringdi var þetta aldrei spurning

Gerði samkomulag við Samma - „Búinn að vonast eftir þessu síðustu ár"

„Forréttindi að hafa haft tvær Chelsea goðsagnir sem þjálfara"

Birkir Valur: HK hjartað er sterkt og slær hart

Aron Bjarna: Erfitt að keppa við félögin sem eru með mun hærra budget

Lánið lykill að frábæru gengi Norrköping - „Besta sem ég gat gert"

Valgeir: Ef ég hefði farið þá hefði tækifærið hjá Örebro ekki komið

„Í draumaheimi? Þá kæmi draumatilboð og þá væri maður ekki áfram"

mán 07. nóvember 2022 21:28

@saebjornth

Sæbjörn Þór Þórbergsson Steinke

„Veit ekki hvernig Þór ætlaði að lifa af næstu 2-3 árin ef við hefðum ekki gert það"

Það hefur verið æðislegt

Mynd: Fótbolti.net - Hafliði Breiðfjörð

Sigri fagnað í Grindavík

Mynd: Fótbolti.net - Hafliði Breiðfjörð

Við fyrstu sýn virkar þetta miklu auðveldara

Mynd: Fótbolti.net - Hulda Margrét

Kristófer Kristjánsson lék stórt hlutverk í sumar. 'Við sáum að þessir leikmenn sem eru í 2. flokki og fengu stóra rullu hoppuðu tvö ár fram í tímann eiginlega'

Mynd: Páll Jóhannesson

Alexander Már kom vel inn í Þórsliðið.

Mynd: Fótbolti.net - Hafliði Breiðfjörð

„Árið er búið að vera rússíbanaferð, búnar að vera gríðarlega miklar breytingar á leikmannahópnum. Bæði sorgir og gleði, allur skalinn," sagði Þorlákur Árnason, þjálfari Þórs, við Fótbolta.net í dag. Láki, eins og hann er oftast kallaður, tók við sem þjálfari Þórs eftir tímabilið 2021 og gerði þriggja ára samning við félagið. Farið var yfir árið með Láka, bæði innan og utan vallar hjá Þór.

„Ég er stolastur af því að það sé kominn heildarsvipur á þetta. Þegar ég kom þá ræddum við um að það vantaði einkenni á liðið, það hefði tapast fyrir einhverju síðan. Ég held að utanaðkomandi aðilar geti séð mjög fljótt hvað það er sem við stöndum fyrir í dag."

Láki er ánægður með samstarfið við yfirþjálfara yngri flokka (Arnar Geir Halldórsson), framkvæmdastjóra félagsins (Reimar Helgason) og stjórnina. Láki segir að það hafi gefist rosalega vel fyrir Þór að vera með yfirþjálfara sem er í fullu starfi.

Ekki ánægður en sáttur
Þór endaði í 7. sæti Lengjudeildarinnar í sumar, sjö leikmenn á annars flokks aldri komu við sögu í deildinni og þrír af þeim voru í lykilhlutverki.

„Ég er sáttur við tímabilið, ekki ánægður en eftir á er ég sáttur. Við gerðum alveg fullt af mistökum, þjálfararnir og stjórnarmenn en við náðum fljótt að leiðrétta það. Á endanum fundum við gott jafnvægi á liðið og í seinni umferðinni vorum við helvíti flottir."

„Ég held að leikmennirnir sem voru að koma inn í þetta, sem voru ansi margir og flestir af þeim ungir, þurftu tíma og svo þurfti ég líka tíma. Ég þurfti að prófa fullt af hlutum, spiluðum þriggja manna vörn sem við lentum í vandræðum með varnarlega séð. Og líka hvernig við fengum menn inn í liðið, þegar þú veist ekki hvernig byrjunarliðið er þá er erfiðara að finna leikmenn inn í það. En á miðju sumri þegar við náðum Ion og Alexander inn þá var ekki aftur snúið."

Hoppuðu eiginlega tvö ár fram í tímann
Sextán af þeim leikmönnum sem spiluðu með Þór eru fæddir eftir aldamót. Tólf aðrir leikmenn komu við sögu, einungis fjórir þeirra fæddir árið 1994 eða fyrr og einungis einn þeirra (Orri Sigurjónsson) spilaði meira en sjö leiki í sumar. Er Láki ánægður með að hafa spilað á þetta ungu liði?

„Við urðum að gera það, það var ekkert val. Ef maður fer yfir hópinn og skoðar aldurssamsetninguna þá veit ég ekki hvernig Þór ætlaði að lifa af næstu 2-3 árin ef við hefðum ekki gert það. Kosturinn við að spila 17-18 ára leikmönnum er að þeir taka svo stór stökk ef þeir fá tækifæri í meistaraflokki. Það er ekki bara hjá Þór, við sáum það líka hjá Stjörnunni í sumar. Við sáum að þessir leikmenn sem eru í 2. flokki og fengu stóra rullu hoppuðu eiginlega tvö ár fram í tímann."

Bjarni Guðjón Brynjólfsson, Kristófer Kristjánsson og Aron Ingi Magnússon eru þeir þrír leikmenn sem hafa fengið hvað mesta athygli. Láki er ánægður með alla ungu strákana.

„Ragnar Óli sem var á elsta ári í 2. flokki kom óvænt inn og stóð sig gríðarlega vel. Svo erum við með aðra leikmenn sem eru aðeins eldri eins og t.d. Birgir Ómar (2001) sem er gríðarlega efnilegur miðvörður. Það er af nógu að taka."

Sætir sigrar - Vill enda ofar á næsta tímabili
Láki segir að útisigrar á Grindavík og Kórdrengjum hefðu verið sérstaklega sætir í sumar. „Þeir sigrar sneru þessu við hjá okkur. Þessir sigurleikir komu með stuttu millibili og voru þeir leikir sem héldu okkur uppi. Svo var rosalega sætt að vinna bæði HK og Fylki hérna heima. Þá sáum við hvar við stóðum á móti liðunum sem eru að fara upp."

Hann vill enda ofar á næsta tímabili. „Auðvitað viljum við það. Ætli öll liðin í deildinni séu ekki að horfa á þetta 2. - 5. sæti? Það sem er jákvætt er að við erum með mjög sterkan grunn, vorum í óvissu með hvernig liðið yrði eftir að hafa misst tólf leikmenn fyrir ári síðan en núna þá þarf aðeins að kítta upp í götin sem þeir leikmenn sem fara skilja eftir - sjáum hvaða leikmenn hérna geta leyst þau hlutverk. Við fyrstu sýn virkar þetta miklu auðveldara."

Ekki hugsað í sekúndu um að fara frá Þór
Hvernig er árið búið að vera á Akureyri?

„Það hefur verið æðislegt," segir Láki sem er í fjarbúð með Hafdísi Ebbu Guðjónsdóttur. „Henni líkar rosalega vel hér og mér finnst ágætt að fara stundum í bæinn. Mér líkar rosalega vel hjá félaginu og bærinn er ótrúlega fallegur og skemmtilegt að vera hérna."

Hefur hann á undanförnum mánuðum hugsað að hann gæti farið frá Þór?

„Nei, ekki í sekúndu. Þetta sumar var bæði gleði og vonbrigði en þegar ég kom þá hugsuðum við að eftir tvö ár myndum við setjast niður og skoða hvernig þetta hefði gengið," sagði Láki.

Í viðtalinu ræðir Láki um leikmennina þrjá sem eru horfnir á brott, Valdimar Daða Sævarsson sem er genginn í raðir Þórs og ýmislegt annað í leikmannamálum.

Athugasemdir

Nýjustu fréttirnar