Fótbolti.net

Chopart og Theodór Elmar fyrirliðar KR - „Ofboðslega flottur leiðtogi"

Víkingur með tvo til þrjá miðverði í sigtinu

Árni byrjar í markinu hjá Stjörnunni - „Virkilega góður fótboltamaður"

Keflvíkingar að semja við leikmann - „Mun styrkja liðið fullt"

Davíð Kristján: Gott að geta svarað smá fyrir mig

Guðlaugur Victor: Þetta var barnalegt

Hákon Arnar: Hefðum auðveldlega getað unnið 10-0

Aron Einar: Boltinn er afmælisgjöf fyrir Óliver

Jói Berg: Mín þrenna er miklu betri en hans!

Arnar Viðars á ekki til fleiri orð til að lýsa Aroni - „Aldrei skorað þrennu nema í handboltanum"

Erfitt að kveðja FH - „Langar að vera partur af því"

„Skilaboð í hópinn að menn ætli ekki að bera ábyrgð"

Alltaf meira undir gegn Þór - „Alltaf tilbúinn að bakka minn mann upp"

Steini hefur áhyggjur: Fær enga möguleika á því að sanna sig

Hörður Björgvin: Erum sterk liðsheild og hjálpum hvor öðrum að komast í gang aftur

Alfreð: Það er staðreynd, engin afsökun

Hákon Arnar: Mér fannst þetta ekki vera 3-0 leikur

Rúnar Alex: Hefur ekkert með uppleggið hjá þjálfurunum að gera

Jón Dagur: Munum sýna í seinni leiknum að við eigum fullan séns í þá

Arnór Sig: Okkar leikplan varð erfiðara þar sem þeir voru með fimm

mið 08. febrúar 2023 16:10

@gummi_aa

Guðmundur Aðalsteinn Ásgeirsson
Viðtal

Nýliðinn í landsliðinu á leið í Harvard - „Það var alveg smá mál"

Einn virtasti háskóli í heimi að búa til mikið Íslendingalið

Ólöf Sigríður Kristinsdóttir.

Mynd: Fótbolti.net - Hafliði Breiðfjörð

Olla í leik með Þrótti síðasta sumar.

Mynd: Fótbolti.net - Hafliði Breiðfjörð

„Það var frábær tilfinning. Ég er mjög stolt, ánægð og þakklát líka að sjá nafnið mitt þarna," segir Ólöf Sigríður Kristinsdóttir, leikmaður Þróttar, í samtali við Fótbolta.net.

Olla, sem er 19 ára gömul er eini nýliðinn í A-landsliðhópnum sem var tilkynntur í síðustu viku. Hópurinn er á leið á Pinatar á Spáni þar sem hann mun taka þátt í æfingamóti.

„Ég get ekki sagt að þetta hafi komið eins og þruma úr heiðskíru lofti, en þetta kom kannski smá á óvart."

Hún segist hafa stefnt lengi á það að komast í A-landsliðið. „Já, það hefur alltaf verið markmiðið frá því ég var lítil og draumur. Upp á síðkastið hefur þetta verið markmiðið."

Raðað inn á Reykjavíkurmótinu
Olla var að glíma við meiðsli á síðasta tímabili en hún er að koma sterkari til baka eftir það. Hún er búin að gera tíu mörk í þremur leikjum í Reykjavíkurmótinu sem er mögnuð tölfræði.

„Ég er með geggjaða liðsfélaga í kringum mig sem hjálpa mér mikið. Ég er líka með frábæran þjálfara sem hefur hjálpað með að komast aftur á gott ról eftir meiðslin. Við höfum gert þetta saman. Að hafa gaman að þessu er númer eitt, tvö og þrjú."

Þróttarar eru komnir í úrslitaleik Reykjavíkurmótsins á móti Val, sem er uppeldisfélag Ollu. „Það eru alltaf hörkuleikir á móti Val og mjög gaman að spila á móti þeim. Þetta er gamla liðið og maður vill alltaf standa sig á móti þeim."

Er á leið í Harvard
Olla er einn efnilegasti leikmaður landsins en hún er á leið í háskóla næsta sumar og það er enginn smá háskóli sem er um að ræða því hún er á leið Harvard í Bandaríkjunum, einn virtasta háskóla í heiminum.

„Ég er að fara í háskóla í Bandaríkjunum en ég veit ekki hvenær ég fer út í atvinnumennsku. Það er bara tímaspursmál," segir Olla en hún mun þá ekki alveg klára næsta tímabil með Þrótti.

Úr er að verða mikið Íslendingalið hjá Harvard því þar eru fyrir Áslaug Munda Gunnlaugsdóttir og Hildur Þóra Hákonardóttir.

„Ég er að fara í Harvard. Ég er mjög spennt að fara og spila með Áslaugu og Hildi. Ég held að þetta verði fín reynsla að fá."

Þegar Olla var spurð að því hvort hún hafi ekki þurft að vera með ansi góðar einkunnir til að komast inn í Harvard þá segir hún: „Allt í lagi bara. Ég held að þetta sé aðallega fótboltinn. Það var alveg smá mál (að komast þarna inn) en ég fékk góða hjálp frá stelpunum úti og þjálfurunum þar. Nik (Chamberlain, þjálfari Þróttar) hjálpaði mér líka."

„Ég er mjög spennt fyrir þessu. Það er gaman að prófa eitthvað nýtt; prófa að læra og spila fótbolta á háu stigi."

Olla stefnir á það að stimpla sig vel inn í landsliðshópinn í verkefninu sem framundan er en hægt er að horfa á allt viðtalið í spilaranum hér fyrir ofan.

Athugasemdir

Nýjustu fréttirnar