Evrópa í dag - Borgarslagur á Spáni

Það er risastór leikur á Spáni í kvöld þegar Real Madrid fær granna sína í Atletico Madrid í heimsókn. Aðeins einu stigi munar á liðinum á toppnum en Real er með forskotið.

Leverkusen þarf á sigri að halda í Þýskalandi til að halda í við Bayern sem er með níu stiga forystu á toppnum eftir sigur í gær. NIco Kovac stýrir Dortmund í fyrsta sinn þegar liðið mætir Stuttgart.

AC Milan þarf að ná flugi til að eiga möguleika á Evrópusæti í ár en liðið er í 8. sæti, sjö stigum á eftir Lazio sem situr í 6. sæti. Liðið mætir Empoli í kvöld. Atalanta heimsækir Verona en Atalanta er í harðri baráttu í efstu sætunum á meðan Verona er aðeins þremur stigum frá fallsæti.

Þá er einnig leikið í Championship deildinni á Englandi.