„Það eru gríðarleg vonbrigði," sagði Arnar Gunnlaugsson, þjálfari Víkings, um sín fyrstu viðbrögð eftir 1-5 tap gegn Val í Pepsi Max-deildinni í kvöld.
Lestu um leikinn: Víkingur R. 1 - 5 Valur
Víkingur komst yfir eftir fjórar mínútur en liðið var lent undir átta mínútum síðar.
„Þetta var skrítinn leikur á margan hátt. Fyrstu 20 mínúturnar vorum við stórkostlegir. Svo voru barnaleg mistök að kosta okkur dýrt. Við vorum full gestrisnir þó við viljum taka vel á móti okkar aðkomuliðum."
„Þetta eru fyrst og fremst gríðarleg vonbrigði því mér fannst við byrja mjög vel. Ef ég ætti að velja mann leiksins þá myndi ég velja markvörð Valsmanna og það er mjög skrítið að segja það eftir 5-1 tap. Valsmenn refsuðu okkur grimmilega."
Viðtalið er í heild sinni að ofan.
Athugasemdir