Dean Holden, bráðabirgðastjóri Bristol City, byrjar vel með liðið en City vann Hull City 2-1 í ensku B-deildinni í kvöld.

Bristol City rak Lee Johnson frá félaginu á dögunum en hann hafði þjálfað liðið í rúmlega fjögur ár. Gengi liðsins undanfarið hefur verið slakt en liðið náði þó í mikilvægan sigur í kvöld.

Holden var aðstoðarþjálfari hjá Bristol áður en Johnson var rekinn og tók hann því við keflinu út þessa leiktíð þegar Johnson var rekinn.

Það muna margir áhugamenn um íslenskan fótbolta eftir Holden en hann lék með Val árið 2001. Hann var þá á láni frá Bolton Wanderers.

Holden fer því þjálfaraferilinn vel af stað en Famara Diedhiou og Jamie Paterson sáu um að skora mörk heimamanna en Bristol er í tólfta sæti með 58 stig, sex stigum á eftir Cardiff sem er í umspilssæti.

Swansea vann þá 3-1 sigur á Birmingham. Lucas Jutkiewicz kom Swansea yfir á 5. mínútu áður en Rhian Brewster tvöfaldaði forystuna. Brewster er á láni frá Liverpool og hefur verið öflugur síðan deildin fór aftur af stað. Ben Cabango og Jay Fulton sáu um að skila þremur stigum til velska liðsins og 3-1 sigur staðreynd.

Wigan, sem er að ganga í gegnum afar erfiða tíma. vann þá QPR 1-0. Kieffer Moore skoraði eina mark leiksins og er liðið nú átta stigum frá fallsæti.

Félagið leitar eftir fjárfestum þessa dagana til að koma í veg fyrir að félagið fari í greiðslustöðvun.

Birmingham 1 - 3 Swansea
1-0 Lucas Jutkiewicz ('5 )
1-1 Rhian Brewster ('12 )
1-2 Ben Cabango ('45 )
1-3 Jay Fulton ('52 )

Bristol City 2 - 1 Hull City
1-0 Famara Diedhiou ('41 )
2-0 Jamie Paterson ('53 )
2-1 Jordy de Wijs ('60 )

Wigan 1 - 0 QPR
1-0 Kieffer Moore ('33 )

STUÐNINGSSVEIT
FÓTBOLTA.NET

Okkur er full alvara!

Umfjöllun síðustu daga hefur Fótbolti.net sýnt að við ætlum að bæta í umfjöllun um fótbolta.

Okkur er full alvara með það!

Gakktu í stuðningssveitina og hjálpaðu okkur að tryggja áframhaldandi öfluga umfjöllun um fótbolta.

STYRKJA

Tweet

Senda a Facebook Hafdu samband Senda frétt Prenta frétt Frétta leit