Ólafur Jóhannesson, þjálfari Vals var sáttur með sigur sinna manna gegn ÍA fyrr í kvöld.
Valsmenn gerðu góða ferð upp á Skaga og sigruðu 2-1 með mörkum frá Aroni Jó og Skagamanninum Arnóri Smárasyni, Kristian klóraði í bakkann fyrir heimamenn en lengra náðu þeir ekki svo Valsmenn fengu öll stigin þrjú.
Lestu um leikinn: ÍA 1 - 2 Valur
„Það er náttúrulega geggjað að vinna þennan leik, erfiður leikur og það tók svolítinn tíma að brjóta þá.''
„Mér fannst Skagamenn ekki líklegir til að skora en eitt mark er lítil forysta, minnsta forysta sem maður hefur.''
Valur fær á sig vítaspyrnu í stöðunni 1-0, fór eitthvað um Óla þá?
„Þó við hefðum fengið á okkur víti þá fannst mér samt við vera í þannig gír að við myndum vinna leikinn, svo náttúrulega varði Frederik og það var geggjað.''
Viðtalið í heild sinni má sjá í spilaranum hér að ofan.