Drinkwater, sem er 29 ára gamall, er á láni hjá Burnley frá Chelsea, en hann var ekki í hópnum í 3-0 tapinu gegn Liverpool og spilaði þá ekki með U23 ára liðinu gegn QPR á dögunum.

Leikmaðurinn varð fyrir fólskulegri líkamsárás en hann verður að öllum líkindum frá næstu vikurnar.

Drinkwater er sagður hafa daðrað við kærustu Kgosi Ntlhe en hann leikur með Scunthorpe United í ensku D-deildinni. Þegar Drinkwater yfirgaf staðinn þá veittust sex menn að honum og fengu þeir fyrirskipanir um að brjóta á honum lappirnar.

Mennirnir lömdu hann ítrekað í andlitið og stöppuðu ofan á ökkla Drinkwater og því verður hann frá næstu vikurnar.

Hvorki Burnley né Chelsea hafa gefið frá sér yfirlýsingu um málið.