Allt það helsta af fréttamannafundi Guardiola fyrir stórleikinn

Er titilbaráttan búin ef Livepool vinnur?
„Ég veit það ekki. Þetta endar aldrei í nóvember. Reynslan er til staðar í hópnum til að berjast til enda. Á sunnudaginn og í hinum leikjunum. Liverpool tapaði einungis einum leik á síðasta tímabili og engum á þessu tímabili....en það getur margt gerst."

Um keppnina við Liverpool
„Fyrir mig sem stjóra, þá var síðasta tímabil besta baráttan sem ég hef átt við lið á ferlinum. Núna eru þeir eitt sterkasta lið í heimi. Við munum reyna að fylgja okkar plani í þessum leik. Þegar Klopp tók við liðinu þá voru þeir ekki líklegir en á þremur eða fjórum árum byggði hann eitthvað magnað."

Um mögulega árás stuðningsmanna Liverpool á rútu City
„Vonandi gerist þetta ekki aftur. Lögreglan vissi af þessu þá. Ég veit ekki hvort lögreglan sé að gera eitthvað öðruvísi í undirbúningi núna."

Um áhrif Jurgen Klopp á Liverpool
„Hann hefur haft mikil áhrif. Liverpool gat ekki barist um titilinn af alvöru þegar hann tók við en á þremur til fjórum árum hefur hann breytt því."

Um Anfield
„Í augnablikinu myndi ég segja að þetta sé erfiðasti leikvangurinn í Evrópu. Ég elska andrúmsloftið þar. Þetta er ástæðan fyrir því að við erum í þessu, til að upplifa svona."

Sjá einnig:
Guardiola reiður: Við töpum ekki leiknum út af Bravo
Ederson ekki með gegn Liverpool
Allt það helsta af fréttamannafundi Klopp fyrir stórleikinn