Í kvöld áttust við FH og Valur í stórleik 2. umferðar Pepsi-Max deildarinnar en þar enduðu leikar 1-1 eftir mörk frá Ágústi Hlynssyni og Sigurði Agli Lárussyni.

Lestu um leikinn: FH 1 -  1 Valur

"Ég er bara nokkuð sáttur við stigið, erfiður fyrri hálfleikur og það var eins og þeir voru með yfirhöndina 11 á móti 11 líka þegar þeir voru manni fleiri þá fannst mér við vera full passífir og við þorðum ekki nógu mikið en svo í seinni hálfleik fannst mér við vera bara nokkuð solid og vorum að spila þokkalega vel, við gerðum gott mark og bara mjög solid frammistaða í seinni hálfleik" Sagði Birkir Már Sævarsson í viðtali eftir leik.

Hvað fannst Birki breytast í seinni hálfleik eftir slaka frammistöðu í þeim fyrri?

"Eins og ég sagði við vorum bara full passífir og við fórum bara yfir það í hálfleik og okkur fannst við ekki vera þora halda boltanum nógu vel og ekki þora að fara upp í pressuna þannig við fórum bara yfir hvernig við ætluðum að pressa þá og halda boltanum aðeins og finna svæðin á Kidda og Patrick og það gekk eiginlega allt eftir"

Hvernig upplifir Birkir þetta rauða spjald?

"Mér persónulega fannst þetta bara vera gult á báða, ég skil alveg að reglugerðin segir að þetta sé rautt spjald en hann er að fara taka hraða aukaspyrnu að negla boltanum yfir og er í miðri sveiflu þegar Jónatan potar boltanum, það vita það allir að það er ekki hægt að stoppa fótinn á sér í miðri langbolta sveiflu, auðvitað sparkar hann í hann en bara gult og gult held ég og áfram gakk"

Tweet

Senda a Facebook Hafdu samband Senda frétt Prenta frétt Frétta leit