Heimir ósammála rauða spjaldinu
"Mér fannst við getað stolið þessu í restina þegar Patrick fékk dauðafæri en ef þú lítur heilt yfir leikinn séu jafntefli bara sanngjörn úrslit" Sagði Heimir Guðjónsson þjálfari Valsara eftir 1-1 jafntefli gegn FH í kvöld í viðtali eftir leik.
Lestu um leikinn: FH 1 - 1 Valur
Haukur Páll fékk rautt spjald á 22. mínútu þegar hann hamraði í legginn á Jónatani Inga, hvernig upplifir Heimir þetta rauða spjald?
"Fyrir mér var þetta gult spjald, Haukur Páll er að fara sparka í boltann þegar Jónatan kemur þarna fyrir en ég gef stráknum það hann lék þetta vel og endaði með rauðu spjaldi en gult fyrir mér"
Valur voru mun betri í síðari hálfleik eftir slaka frammistöðu í fyrri hálfleik, hvað sagði Heimir við strákana í hálfleik?
"Það var ljóst það myndi aldrei ganga að liggja til baka í seinni hálfleiknum þannig við ákváðum í hálfleik að koma framar og setja FH undir pressu, mér fannst það ganga ágætlega og við fengum góðar stöður"
Viðtalið má sjá í heild sinni hér fyrir ofan.
Athugasemdir
