Ítalía: Sannfærandi hjá Roma gegn botnliðinu

Roma vann sannfærandi sigur í ítölsku úrvalsdeildinni í kvöld er liðið mætti botnliði Crotone á heimavelli.

Það hefur ekkert gengið hjá Crotone á þessari leiktíð en liðið er fallið í B-deildina og er með 18 stig eftir 34 leiki.

Roma hafði betur með fjórum mörkum gegn engu og gerir það mikið fyrir liðið í Evrópubaráttunni.

Roma hafði ekki unnið í síðustu fjórum deildarleikjum sínum og var í áttunda sætinu fyrir viðureignina í dag.

Með sigrinum fer Roma í sjöunda sætið sem gefur umspilssæti í Evrópudeildinni en er enn sex stigum á eftir Lazio sem er í sjötta sæti.