Spánn: Sevilla kom til baka og líflína fyrir Mallorca

Athletic tók á móti Sevilla í stórleik dagsins í spænsku La Liga. Heimamenn komust yfir en mörk frá Ever Banega og Munir El Haddadi á fimm mínútna kafla í seinni hálfleik sneri leiknum Sevilla í vil. Stigin fóru öll til Andalúsíu sem hjálpar Sevilla í Meistaradeildarbaráttunni.

Leik Eibar og Leganes lyktaði með 0-0 jafntefli og Mallorca sigraði Levante með tveimur mörkum gegn engu. Mallorca er áfram í fallsæti en er nú þremur stigum á eftir Alaves sem á leik til góða.

Stöðuna í deildinni má sjá hér að neðan.