Foden og Greenwood borguðu starfsmanni hótelsins fyrir að lauma stelpunum inn

Enskir fjölmiðlar segja að Mason Greenwood og Phil Foden hafi borgað starfsmanni á Hótel Sögu fyrir að lauma íslensku stelpunum inn á hótelið.

Starfsmaðurinn ku hafa hjálpað þeim að brjóta reglur en leikmennirnir máttu ekki fá gesti á hótelið út af reglum um sóttkví.

Umræddur starfsmaður hótelsins ku hafa fengið væna upphæð fyrir að smygla stelpunum tveimur inn.

Greenwood og Foden var sparkað úr enska landsliðinu eins og frægt er og þá fengu þeir 250 þúsund króna sekt á haus frá íslensku lögreglunni.