Crystal Palace 1 - 2 Liverpool
1-0 Jean-Philippe Mateta ('57 , víti)
1-1 Mohamed Salah ('76 )
1-2 Harvey Elliott ('90)
Rautt spjald: Jordan Ayew, Crystal Palace ('75)
Fyrsta leik dagsins í ensku úrvalsdeildinni er lokið en þar áttust við Crystal Palace og Liverpool á Selhurst Park í London.
Fyrri hálfleikurinn var bragðdaufur en heimamenn í Palace áttu þó eitt dauðafæri sem Alisson Becker varði stórkostlega í markinu hjá gestunum. Palace hélt að það væri að fá vítaspyrnu þegar Virgil van Dijk var dæmdur brotlegur en brotið var á Wataru Endo í aðdragandanum svo vítaspyrnan var dregin til baka.
Hlutirnir byrjuðu að gerast í síðari hálfleiknum. Liverpool gekk illa að skapa sér færi og tóku heimamenn völdin hægt og rólega. Á 57. mínútu var dæmd vítaspyrna fyrir Palace en Jarell Quansah, sem fékk tækifæri í byrjunarliðinu hjá Liverpool í dag, gerðist brotlegur.
VAR herbergið var lengi að skoða atvikið en að lokum var Madley dómari sendur í skjáinn og benti á punktinn. Jean-Philippe Mateta steig á punktinn og skoraði sitt fyrsta mark á þessu tímabili.
Þegar um korter var til leiksloka fékk Jordan Ayew sitt annað gula spjald fyrir að stöðva skyndisókn hjá Liverpool. Crystal Palace því einum manni færra það sem eftir lifði leiks en strax eftir rauða spjaldið tókst Mohamed Salah að jafna metin. Hann átti þá skot í varnarmann Palace og í netið, óverjandi fyrir Sam Johnstone. Johnstone þurfti að fara meiddur af velli undir lok leiks.
Það var á 91. mínútu leiksins sem Liverpool tók forystuna. Harvey Elliott, sem hafði komið inná sem varamaður, skoraði þá með skoti í nærhornið fyrir utan teig.
Joachim Andersen fékk dauðafæri á lokaandartökum leiksins eftir aukaspyrnu en Alisson varði vel í horn. Liverpool hélt út og sótti stigin þrjú.
Með þessum sigri er Liverpool komið í toppsætið í bili hið minnsta en Arsenal heimsækir Aston Villa síðar í dag og getur endurheimt toppsætið aftur.
England
Premier league - karlar
| L | U | J | T | ms: | mf: | mun | Stig | ||
|---|---|---|---|---|---|---|---|---|---|
| 1 | Liverpool | 14 | 11 | 2 | 1 | 29 | 11 | +18 | 35 |
| 2 | Chelsea | 15 | 9 | 4 | 2 | 35 | 18 | +17 | 31 |
| 3 | Arsenal | 15 | 8 | 5 | 2 | 29 | 15 | +14 | 29 |
| 4 | Man City | 15 | 8 | 3 | 4 | 27 | 21 | +6 | 27 |
| 5 | Nott. Forest | 15 | 7 | 4 | 4 | 19 | 18 | +1 | 25 |
| 6 | Aston Villa | 15 | 7 | 4 | 4 | 23 | 23 | 0 | 25 |
| 7 | Bournemouth | 15 | 7 | 3 | 5 | 23 | 20 | +3 | 24 |
| 8 | Brighton | 15 | 6 | 6 | 3 | 25 | 22 | +3 | 24 |
| 9 | Brentford | 15 | 7 | 2 | 6 | 31 | 28 | +3 | 23 |
| 10 | Fulham | 15 | 6 | 5 | 4 | 22 | 20 | +2 | 23 |
| 11 | Tottenham | 15 | 6 | 2 | 7 | 31 | 19 | +12 | 20 |
| 12 | Newcastle | 15 | 5 | 5 | 5 | 19 | 21 | -2 | 20 |
| 13 | Man Utd | 15 | 5 | 4 | 6 | 19 | 18 | +1 | 19 |
| 14 | West Ham | 15 | 5 | 3 | 7 | 20 | 28 | -8 | 18 |
| 15 | Everton | 14 | 3 | 5 | 6 | 14 | 21 | -7 | 14 |
| 16 | Leicester | 15 | 3 | 5 | 7 | 21 | 30 | -9 | 14 |
| 17 | Crystal Palace | 15 | 2 | 7 | 6 | 14 | 20 | -6 | 13 |
| 18 | Ipswich Town | 15 | 1 | 6 | 8 | 14 | 27 | -13 | 9 |
| 19 | Wolves | 15 | 2 | 3 | 10 | 23 | 38 | -15 | 9 |
| 20 | Southampton | 15 | 1 | 2 | 12 | 11 | 31 | -20 | 5 |
