England: Guimaraes hetja Newcastle í Lundúnum

Newcastle vann West Ham í Lundúnum í kvöld en Bruno Guimaraes var hetja liðsins.

Fyrri hálfleikurinn var mjög rólegur en Newcastle fékk tækifæri eftir tuttugu mínútna leik en Alphonse Areola varði tilraun frá Harvey Barnes.

Eftir klukkutíma leeik þurfti Areola aftur að taka á honum stóra sínum. Boltinn fór af Max Kilman og virtist vera á leið í markið en Areola tókst að bjarga á síðustu stundu.

Stuttu síðar tókst Newcastle loksins að sigra Areola. Barnes átti fyrirgjöf inn á teiginn og Bruno Guimaraes kom boltanum í netið og tryggði liðinu stigin þrjú.

Newcatle er í 6. sæti með 47 stig en West Ham er í 16. sæti með 33 stig.