Fullt nafn: Brynjar Jónasson

Gælunafn: BinniJó, og á vin sem kallar mig Bungy

Aldur: 24 ára

Hjúskaparstaða: Í sambandi

Hvenær lékstu þinn fyrsta leik með meistaraflokki: 2014 sennilega einhver æfingaleikur með Fjarðabyggð

Uppáhalds drykkur: Hvítur Monster

Uppáhalds matsölustaður: Subway

Hvernig bíl áttu: Er með afnot af hrikalegum Toyota Yaris

Uppáhalds sjónvarpsþáttur: Scrubs, Brooklyn 99, Psych, South Park, Ballers

Uppáhalds tónlistarmaður: 21 Savage, Drake, Kanye West, SælirBois, Lil Baby, Yung gravy, 6ix9ine, Lil Yachty, Daddy long neck, Lil Pump

Uppáhalds samskiptamiðill: TicToc

Fyndnasti Íslendingurinn: Hjörvar Hafliða í fm95Blö um daginn

Hvað viltu í bragðarefinn þinn: Miðstærð gamli. Oreo, hockeypulver, mars og ef það er púki í mér þá kökudeig sem auka

Hvernig hljómar síðasta sms sem þú fékkst: Brisið er mætt, koddu út. Frá Ellesse ambassador sjálfum Róberti Leó Sigurðarsyni

Hvaða liði myndir þú aldrei spila með: Haukum og Leikni Fásk sennilega

Besti leikmaður sem þú hefur mætt: Á enga landsleiki þannig hef ekki mætt neinum svona fancy leikmanni einsog margir, en Jón Dagur kemur stundum á æfingar hjá HK, hann er seigur, flottur að troða honum á nær

Besti þjálfarinn sem hefur þjálfað þig: Brynjar Gestsson, væri ekki að svara þessu ef ekki væri fyrir hann

Mest óþolandi leikmaður sem þú hefur mætt: Arnar Freyr og Diddi Fernandez markmenn HK í reit

Sætasti sigurinn: 2-3 útisigur á Víking uppá dolluna í 2flokk, ég skoraði af 40 metrunum sláin inn (https://www.youtube.com/watch?v=By21Y0QepMo&t=223s 3:33 mín) svo skoraði Andri bróðir eimitt líka með unreal skalla á 5:20 min eftir að Brisið sendir Bödda löpp í gegn og Böddi sendir einn varnarmann Víkings i pylsu með öllu og krossar honum fyrir í fyrsta skiptið í lífinu sínu með hægri, hótar svo að fara úr treyjunni í fagnaðarlátunum en sleppti því sem betur fer.

Mestu vonbrigðin: Aldrei spilað meistaraflokksleik með FH

Uppáhalds lið í enska: Chelsea

Ef þú fengir að velja einn leikmann úr öðru íslensku liði í þitt lið: Reima Vaporinn aftur á Dodda özil og fá hann i Home of Football.

Fyrsta verk ef þú yrðir formaður KSÍ: Gefa mér sénsinn

Efnilegasti knattspyrnumaður/kona landsins: Valdimar Einarsson og Valgeir Valgeirsson man ekki hvor er hvað samt

Fallegasti knattspyrnumaðurinn á Íslandi: Andri Jónasson

Fallegasta knattspyrnukonan á Íslandi: Hallbera Gísla, eigum sama afmælisdag btw

Besti knattspyrnumaðurinn frá upphafi: Kenwyne Jones í FIFA 14

Hver er mesti höstlerinn í liðinu: Birkir Valur Jónsson. Gengur samt ekkert rosa vel

Uppáhalds staður á Íslandi: Sófinn heima á sunnudögum og Sumarbústaðurinn hans Róberts leó á Kótilettuhelgi

Segðu okkur frá skemmtilegu atviki sem gerst hefur í leik: Þegar ég var í 3flokk þá spiluðum ég og Andri tvíburabróðir á miðjunni og í einum leik var ég komin með gult spjald svo seinna í leiknum á ég að fá mitt annað gula spjald en dómarinn ruglast svo skemmtilega á okkur að Andri fær spjaldið sem ég á að fá.

Hvað er það síðasta sem þú gerir áður en þú ferð að sofa: Sendi streak á boys

Fyrir utan knattspyrnu, fylgist þú með öðrum íþróttum: NFL, NBA og kynnti svo Ásgeiri Berki fyrir UFC nýlega, hann er að fýla það.

Í hvernig fótboltaskóm spilar þú: Hef verið í Vapornum síðan 2009 og er ennþá að bíða eftir samning frá Nike

Í hverju varstu/ertu lélegastur í skóla: Mæta eftir hádegi, krían varð mér að bana

Uppáhalds Eurovision lag frá upphafi: Azerbaijan 2012

Vandræðalegasta augnablik: Búinn að hugsa í 1 dag man ekkert en ég skal pósta á Twitter þegar mér dettur eitthvað í hug

Hvaða þrjá leikmenn tækir þú með þér á eyðieyju: Arnar Freyr Ólafsson, hann gæti haldið mér í formi, eldað og veitt mat fyrir okkur og sennilega byggt bát til að koma okkur heim. Svo Ingvar Ásbjörn Ingvarsson höfum búið saman áður það gekk vel. Svo Bödda löpp til að hafa einhvern til að rífast við.

Sturluð staðreynd um sjálfan þig: Ég er tvíburi en samt í Meyja í stjörnumerki