„Fyrst og fremst mjög svekktur, vorum 2-0 yfir og eigum að sigla slíkri forystu heim," sagði Sigurvin Ólafsson eftir 2-3 tap KV gegn Kórdrengjum í toppbaráttuslag í 3. deild karla í kvöld.

„Ég hef séð okkur spila betur en þetta en andstæðingarnir eru sterkir. Eftir að hafa komist í 2-0 yfir koma tvö hálfgerð slysamörk, ég veit ekki hvort að það seinna hafi verið mark. Svo er þetta bara "fifty-fifty" og ræðst á einu horni."

Fjögur stig skilja efstu fjögur liðin af í deildinni og mikil spenna á toppnum.

„Ég held að toppbaráttan verði spennandi fram á lokadag."

KV hefur aðeins fengið eitt stig í síðustu tveimur leikjum og var Sigurvin spurður út í hvort hann hefði áhyggjur af gengi liðsins.

„Í dag var þetta mjög naumt gegn liðinu sem á að vera langbesta liðinu á pappírunum, þó mér finnist mitt lið reyndar betra. Það er ekkert "panikk" hjá okkur, við erum í toppstandi," sagði Sigurvin að lokum.

Viðtalið í heild sinni má sjá í spilaranum hér að ofan.

Tweet

Senda a Facebook Hafdu samband Senda frétt Prenta frétt Frétta leit