Ragnar Sigurðsson, varnarmaður íslenska landsliðsins, var afar svekktur eftir 4-2 tapið gegn Albaníu en átti erfitt með að útskýra tapið.

Lestu um leikinn: Albanía 4 -  2 Ísland

Íslenska liðið kom tvisvar til baka í leiknum en í stöðunni 2-2 virtist þó allt hrynja þótt það virtist allt vera að falla með Íslandi.


„Ég veit ekki alveg hvað gerðist. Við vorum ekki nógu góðir í dag og áttum ekki skilið að vinna þetta," sagði Ragnar.

„Okkur leið vel og vorum tilbúnir í þetta en þetta virkar oft eins og við vorum ekki tilbúnir í hinn leikinn en vinnum samt 3-0. Svona er þetta stundum."

„Okkur fannst við vera með þá og þeir virkuðu þreyttir. Svona gerist stundum í fótbolta. Við vildum vinna þetta og fundum í 2-2 að við vorum með þetta en fáum svo tvö mörk."

Ragnar og strákarnir hafa enn trú á verkefninu þrátt fyrir tapið en ljóst er að leiðin á EM er afar erfið úr þessu. Tyrkir og Frakkar unnu sína leiki en næsti leikur Íslands er gegn Frökkum á Laugardalsvelli.

„Ég á eftir að horfa á þetta og erfitt að segja núna. Við höldum bara áfram og vinnum næsta leik," sagði Ragnar í lokin.

STUÐNINGSSVEIT
FÓTBOLTA.NET

ALLTAF Á VAKTINNI

Fótbolti.net er alltaf á vaktinni þegar eitthvað er að frétta af fótbolta.

Gakktu í stuðningssveitina og hjálpaðu okkur að tryggja áframhaldandi öfluga umfjöllun um fótbolta.

STYRKJA

Tweet

Senda a Facebook Hafdu samband Senda frétt Prenta frétt Frétta leit