Spá því að Orri byrji á bekknum gegn Barcelona

Það áhugaverðasta í líklegu byrjunarliði Barcelona er að ungstirnið Lamine Yamal er ekki í því. Sagt er að hann hafi fundið fyrir óþægindum fyrir æfingu og ekki æft með liðinu í gær heldur verið í líkamsræktarsalnum. Ansu Fati er í líklegu byrjunarliði í stað Yamal.

Robert Lewandowski þarf hinsvegar enga hvíld en pólski framherjinn hefur verið funheitur á tímabilinu, er markahæstur í deildinni með fjórtán mörk.

Real Sociedad er í ellefta sæti La Liga en í upphitun Marca er vakin sérstök athygli á afleitu gengi liðsins á heimavelli sínum, Reale Arena, en á árinu 2024 er liðið aðeins með fjóra heimasigra í nítján leikjum. Það sé staðreynd sem hafi klárlega sálfræðileg áhrif á liðið.

Sjónvarp Símans sýnir leikinn í beinni útsendingu í kvöld í samvinnu við Livey. Að honum loknum fer Orri Steinn til móts við íslenska landsliðið en hann er að sjálfsögðu í hópnum fyrir komandi leiki gegn Svartfjallalandi og Wales í Þjóðadeildinni.