Spá því að Orri byrji á bekknum gegn Barcelona

Orri Steinn Óskarsson, leikmaður Real Sociedad.

Mynd: Getty Images

Líkleg byrjunarlið.

Mynd: Marca

Orri Steinn Óskarsson, leikmaður Real Sociedad.

Mynd: Getty Images

Í kvöld klukkan 20 mætast Real Sociedad og topplið Barcelona í spænsku deildinni, La Liga. Barcelona hefur unnið sjö síðustu leiki sína og er á miklu flugi en liðið vonast til að bæta þeim áttunda við áður en kemur að landsleikjaglugganum.

Spænska blaðið Marca birti líkleg byrjunarlið í morgun og spáir því að íslenski landsliðsmaðurinn Orri Steinn Óskarsson byrji meðal varamanna hjá heimamönnum. Talið er að Brais Mendez komi inn í liðið og það verði eina breytingin frá 2-1 tapi gegn Viktoria Plzen en Orri skoraði mark Sociedad í þeim leik.

Mynd: Getty Images

Það áhugaverðasta í líklegu byrjunarliði Barcelona er að ungstirnið Lamine Yamal er ekki í því. Sagt er að hann hafi fundið fyrir óþægindum fyrir æfingu og ekki æft með liðinu í gær heldur verið í líkamsræktarsalnum. Ansu Fati er í líklegu byrjunarliði í stað Yamal.

Robert Lewandowski þarf hinsvegar enga hvíld en pólski framherjinn hefur verið funheitur á tímabilinu, er markahæstur í deildinni með fjórtán mörk.

Real Sociedad er í ellefta sæti La Liga en í upphitun Marca er vakin sérstök athygli á afleitu gengi liðsins á heimavelli sínum, Reale Arena, en á árinu 2024 er liðið aðeins með fjóra heimasigra í nítján leikjum. Það sé staðreynd sem hafi klárlega sálfræðileg áhrif á liðið.

Sjónvarp Símans sýnir leikinn í beinni útsendingu í kvöld í samvinnu við Livey. Að honum loknum fer Orri Steinn til móts við íslenska landsliðið en hann er að sjálfsögðu í hópnum fyrir komandi leiki gegn Svartfjallalandi og Wales í Þjóðadeildinni.

Líkleg byrjunarlið.

Mynd: Marca

Stöðutafla

#	Lið	L	mun	Stig
1	Barcelona	6	+22	18
2	Real Madrid	6	+11	15
3	Atletico Madrid	6	+8	13
4	Sevilla	6	+3	13
5	Betis	5	+1	12
6	Alaves	6	+5	10
7	Deportivo	6	+2	9
8	Espanyol	6	+2	7
9	Athletic	5	+1	7
10	Racing Santander	6	-5	7
11	Vallecano	6	-5	7
12	Real Sociedad	6	-5	7
13	Osasuna	6	-7	7
14	Levante	5	-2	5
15	Getafe	5	-3	5
16	Celta	6	-3	4
17	Valencia	6	-8	4
18	Malaga	5	-6	3
19	Villarreal	5	-3	2
20	Elche	6	-8	2