Fjögur ár síðan Real gekk jafn vel

Real er þar með búið að vinna alla leiki sína á tímabilinu í öllum keppnum nema tvo. Liðið tapaði fyrir Real Betis og Atlético Madrid í september en hefur síðan þá unnið átta leiki í röð.

Rúmlega fjögur ár eru liðin síðan Real Madrid vann síðast átta leiki í röð. Þá lék liðið undir stjórn Carlo Ancelotti en síðan þá hafa Xabi Alonso og Álvaro Arbeloa gert misheppnaðar tilraunir til að stýra stórveldinu.

„Strákarnir þurfa hvíld," sagði Mourinho eftir sigurinn gegn Valencia. „Vonandi ákveður La Liga ekki að stríða okkur aftur með þessu ótrúlega leikjaálagi sem við þurftum að spila undir þessa vikuna."

Arda Güler og Kylian Mbappé komust á blað ásamt fyrirliðanum Federico Valverde í sigrinum í Valencia. Mourinho var spurður út í Brasilíumennina Vinícius Júnior og Endrick að leikslokum, en Vini hefur átt lélega byrjun á tímabili og er í leikbanni í La Liga á meðan Endrick hefur fengið lítið af tækifærum með ógnarsterku liði Real Madrid.

„Liðsheildin skiptir mestu máli og Vinícius mun fá sinn spiltíma þegar hann snýr aftur. Endrick á skilið að fá fleiri tækifæri og ég vona að hann fái að spila í landsleikjahlénu. Ég verð mjög ánægður ef (Carlo) Ancelotti lætur hann spila með brasilíska landsliðinu."

Eftir markið sem Mbappé skoraði er hann kominn með 17 mörk í 16 leikjum í öllum keppnum á tímabilinu.

Þess má geta að Mbappé var valinn besti leikmaður október mánaðar í La Liga og Mourinho besti þjálfarinn.