Loris Karius til Bayern?

Neuer, sem er fertugur, hætti með þýska landsliðinu í annað sinn eftir heimsmeistaramótið í sumar og miklar líkur eru á að þetta verði hans síðasta tímabil með Bæjurum.

Neuer hefur glímt við þrálát meiðsli aftan í kálfa undanfarin ár og meiddist nýlega á nýjan leik. Þau meiðsli munu halda honum frá keppni næstu tvo mánuðina.

Samkvæmt Sky hefur Bayern þegar hafið leit að markverði í hans stað og eru þeir Bernd Leno og Loris Karius meðal þeirra sem koma til greina.

Leno er aðalmarkvörður Fulham en lék áður með Arsenal á Englandi. Karius hefur hins vegar fundið sig aftur hjá Schalke eftir erfiðan tíma hjá Liverpool, Besiktas og Newcastle United.

Hvorugur þeirra yrði þó fenginn til Bayern sem aðalmarkvörður, enda lítur félagið á Jonas Urbig sem framtíðarmarkvörð sinn. Leno eða Karius yrði því fenginn til að styðja við Urbig og veita honum samkeppni um stöðuna.